اسلام آباد میں وزارتِ خارجہ کے مطابق برطانوی ہائی کمشنر جین میریٹ نے آج نائب وزیرِ اعظم و وزیرِ خارجہ سینیٹر محمد اسحاق ڈار سے ملاقات کی۔
ملاقات میں پاکستان اور برطانیہ کے تعلقات پر گفتگو ہوئی جبکہ علاقائی پیش رفت، خصوصاً حالیہ امریکا ایران صورتحال پر بھی تبادلۂ خیال کیا گیا۔
نائب وزیرِ اعظم و وزیرِ خارجہ نے مذاکرات، سفارت کاری اور کشیدگی میں کمی کے لیے پاکستان کی تعمیری ثالثی کی کوششوں پر روشنی ڈالی۔
برطانوی ہائی کمشنر نے علاقائی امن اور استحکام کے فروغ میں پاکستان کے کردار کو سراہا۔
