سینیٹ آف پاکستان کے چیئرمین سید یوسف رضا گیلانی کو سینیٹ کی قائمہ کمیٹی برائے مالیات و محصولات کی سالانہ رپورٹ پیش کی گئی، جس میں مارچ دو ہزار پچیس سے مارچ دو ہزار چھبیس تک کی کارکردگی شامل ہے۔ رپورٹ چیئرمین کمیٹی سینیٹر سلیم مانڈوی والا نے پیش کی۔رپورٹ میں کمیٹی کی جانب سے قانون سازی، نگرانی اور پالیسی سے متعلق اقدامات کا احاطہ کیا گیا ہے، جن کا مقصد مالی شفافیت، مالی احتساب، مؤثر حکمرانی اور قومی معیشت و آمدنی سے متعلق معاملات کی نگرانی کو بہتر بنانا بتایا گیا ہے۔اس موقع پر چیئرمین سینیٹ سید یوسف رضا گیلانی نے کہا کہ پارلیمانی نگرانی جمہوری اداروں کو مضبوط بنانے میں بنیادی حیثیت رکھتی ہے اور عوامی امور میں شفافیت اور جوابدہی کے فروغ کے لیے اس کا کردار اہم ہے۔ انہوں نے کمیٹی کی سرگرم کاوشوں کو سراہتے ہوئے کہا کہ اس نے مالی اور محصولات سے متعلق اہم امور کے جائزے میں مؤثر کردار ادا کیا ہے، جس سے حکمرانی بہتر بنانے اور جمہوری عمل پر عوامی اعتماد میں اضافہ ہوتا ہے۔چیئرمین سینیٹ نے سینیٹر سلیم مانڈوی والا اور کمیٹی کے اراکین کی محنت اور وابستگی کی تعریف کرتے ہوئے کہا کہ مؤثر پارلیمانی کمیٹیاں عوامی مفاد کے تحفظ اور ادارہ جاتی کارکردگی کو بہتر بنانے کے لیے ناگزیر ہیں۔انہوں نے اس عزم کا اعادہ کیا کہ ایوان بالا جمہوری اقدار، مالی شفافیت، احتساب اور مضبوط پارلیمانی عمل کی حمایت جاری رکھے گا تاکہ ملک میں بہتر حکمرانی اور پائیدار معاشی ترقی کو فروغ مل سکے۔
سینیٹ میں مالی شفافیت اور احتساب پر زور
کوئی تبصرہ نہیں ہے۔
