قطر میں پاکستان کے سفیر محمد عامر نے برادر ملک ترکی کے سفیر عزت مآب ڈاکٹر مصطفی گوکسو کے اعزاز میں الوداعی عشائیہ دیا۔ اس موقع پر سفارتی حلقوں کے مطابق دوحہ میں ان کی مدتِ تعیناتی خوشگوار تعلقات، باہمی احترام اور قریبی تعاون کے ساتھ گزری۔پاکستان سفارت خانے کی جانب سے کہا گیا کہ ڈاکٹر مصطفی گوکسو نے اپنی ذمہ داریوں کے دوران پاکستان اور ترکی کے درمیان تعلقات کو مزید مضبوط بنانے میں مثبت کردار ادا کیا۔ الوداعی عشائیہ میں اس امر کو اجاگر کیا گیا کہ دونوں برادر ممالک کے درمیان روابط صرف سفارتی سطح تک محدود نہیں بلکہ باہمی اعتماد اور تاریخی قربت پر مبنی ہیں۔تقریب میں اس خواہش کا اظہار بھی کیا گیا کہ ڈاکٹر مصطفی گوکسو آئندہ اپنے فرائض میں مزید کامیابی حاصل کریں۔ پاکستان سفارت خانے نے ان کی خدمات کو سراہتے ہوئے کہا کہ ان کے دور میں پیدا ہونے والی گرمجوشی اور تعاون پاکستان ترکی تعلقات کے لیے اہم رہی۔
ترکی کے سفیر کے اعزاز میں الوداعی عشائیہ
کوئی تبصرہ نہیں ہے۔
