اسلام آباد، 3 نومبر 2026ء: قومی اسمبلی کی قائمہ کمیٹی برائے وفاقی تعلیم و پیشہ ورانہ تربیت کا 27واں اجلاس رکن قومی اسمبلی ڈاکٹر شازیہ ثوبیہ اسلم سومرو کی قائم مقام صدارت میں ہائر ایجوکیشن کمیشن اسلام آباد کے کمیٹی روم میں منعقد ہوا۔
اجلاس میں ڈسلیکسیا کے شکار بچوں کو درپیش مسائل پر شدید تشویش کا اظہار کیا گیا۔ کمیٹی نے زور دیا کہ مناسب شناخت، ادارہ جاتی مدد اور remedial interventions کی عدم موجودگی کے باعث ایسے بچوں کا تعلیمی مستقبل اور مواقع متاثر نہیں ہونے چاہئیں۔ کمیٹی کے مطابق ڈسلیکسیا ایکٹ کے نفاذ کے بعد اس پر مؤثر عمل درآمد ناگزیر ہو چکا ہے، جبکہ سرکاری اور نجی تعلیمی اداروں میں ڈسلیکسیا کے شکار بچوں کو درپیش مشکلات کا حل بھی ضروری ہے۔
کمیٹی نے کہا کہ ایسے بچوں کو مختلف مضامین، خصوصاً ریاضی میں، ان کی انفرادی تعلیمی ضروریات کے مطابق سہولتیں فراہم کی جائیں۔ اجلاس میں یہ بھی فیصلہ کیا گیا کہ معاملہ پارلیمنٹ کے فلور پر اٹھایا جائے گا تاکہ نصاب، اسسمنٹ اور امتحانی نظام میں مناسب نرمی اور سہولتوں کے لیے آواز بلند کی جا سکے، اور ڈسلیکسیا کے باعث بچوں کو اعلیٰ تعلیم میں داخلے کے مواقع سے محروم نہ ہونا پڑے۔
کمیٹی نے وزارت وفاقی تعلیم پر زور دیا کہ وہ اپنے باقاعدہ بجٹ اور پالیسی منصوبہ بندی میں مخصوص مالی وسائل شامل کرے، جبکہ remedial therapists، ماہرین نفسیات اور خصوصی تربیت یافتہ اساتذہ کی بھرتی، استعداد کار میں اضافے اور پیشہ ورانہ تربیت کے لیے بھی انتظامات کیے جائیں تاکہ ڈسلیکسیا کے شکار بچوں کے لیے ایک پائیدار اور ادارہ جاتی معاونتی نظام قائم ہو سکے۔
نیشنل انسٹی ٹیوٹ آف سائیکالوجی، جو قائداعظم یونیورسٹی کا سینٹر آف ایکسیلنس ہے، وفاقی نظامت تعلیمات کے ساتھ مل کر اسلام آباد کے اسکولوں میں ڈسلیکسیا کے شکار بچوں کے لیے ایک منظم remedial support system تیار اور نافذ کر رہا ہے۔ نیشنل انسٹی ٹیوٹ آف سائیکالوجی نے کمیٹی کو بتایا کہ یہ اقدام پانچ مراحل میں مکمل کیا جائے گا تاکہ بچوں کی شناخت، جانچ اور ہدفی تعلیمی معاونت منظم انداز میں فراہم کی جا سکے۔
پہلا مرحلہ mobilization and vetting پر مشتمل ہوگا، جبکہ دوسرا مرحلہ screening, assessment and profiling کا ہے جو دسمبر 2026ء تک مکمل کیا جانا ہے۔ تیسرا مرحلہ individualized remedial therapy پر مشتمل ہوگا جو جنوری 2027ء سے فروری 2028ء تک جاری رہے گا۔ اس مرحلے میں شناخت شدہ بچوں کی انفرادی تعلیمی ضروریات کے مطابق مدد فراہم کی جائے گی۔ چوتھا مرحلہ establishment of sustainable support systems ہے جو مارچ 2028ء سے مئی 2028ء تک نافذ کیا جائے گا تاکہ تعلیمی نظام میں remedial support کا تسلسل برقرار رہے۔ منصوبہ پانچویں مرحلے evaluation and closeout کے ساتھ مئی 2028ء سے جون 2028ء کے دوران مکمل ہوگا، جس میں منصوبے کی مجموعی پیش رفت اور نتائج کا جائزہ لیا جائے گا۔
اجلاس کو نیشنل ڈسلیکسیا ڈائگناسٹک ٹول کے بارے میں بھی آگاہ کیا گیا، جس کے ذریعے بچوں میں ڈسلیکسیا کی شناخت کے لیے مختلف developmental and learning domains کا جامع جائزہ لیا جاتا ہے۔ اس ٹول کے چار بنیادی حصے ہیں: cognitive and perceptual-motor assessment، language and phonological assessment، social-emotional checklist، اور child problem checklist۔ ان اجزا کا مقصد ڈسلیکسیا سے منسلک مشکلات کا سامنا کرنے والے بچوں کی شناخت اور ان کی ضرورت کے مطابق remedial interventions کی تیاری میں مدد دینا ہے۔
ہائر ایجوکیشن کمیشن نے کمیٹی کو بتایا کہ QS World University Rankings 2027 کے مطابق پاکستان کی 18 جامعات عالمی درجہ بندی میں شامل ہوئی ہیں، جو پاکستان کے اعلیٰ تعلیمی شعبے کی بڑھتی ہوئی بین الاقوامی شناخت کی عکاسی ہے۔ دو پاکستانی جامعات دنیا کے اولین 500 اداروں میں شامل ہیں، جن میں قائداعظم یونیورسٹی اسلام آباد 381ویں اور نیشنل یونیورسٹی آف سائنسز اینڈ ٹیکنالوجی، اسلام آباد 384ویں نمبر پر ہے۔
کمیٹی کو بتایا گیا کہ مجموعی طور پر پاکستان کی 11 جامعات دنیا کی اولین 1000 جامعات میں شامل ہیں۔ ان میں قائداعظم یونیورسٹی، نسٹ، پاکستان انسٹی ٹیوٹ آف انجینئرنگ اینڈ اپلائیڈ سائنسز، یونیورسٹی آف دی پنجاب، لاہور یونیورسٹی آف مینجمنٹ سائنسز، یونیورسٹی آف ایگریکلچر فیصل آباد، کامسیٹس یونیورسٹی اسلام آباد، گورنمنٹ کالج یونیورسٹی فیصل آباد، یونیورسٹی آف انجینئرنگ اینڈ ٹیکنالوجی لاہور، آغا خان یونیورسٹی اور یونیورسٹی آف پشاور شامل ہیں۔
پاکستانی جامعات کی عالمی حیثیت بہتر بنانے کے لیے ہائر ایجوکیشن کمیشن نے Committee on International University Rankings تشکیل دی ہے۔ یہ کمیٹی ادارہ جاتی رابطے کو سہولت دے گی، عالمی ranking methodologies اور performance indicators کے بارے میں مشترکہ فہم پیدا کرے گی، پاکستانی جامعات کی عالمی مسابقت پر اثر انداز ہونے والے اہم چیلنجز کی نشاندہی کرے گی اور کارکردگی بہتر بنانے کے لیے مناسب ادارہ جاتی حکمت عملیاں اور اقدامات تجویز کرے گی۔ اس اقدام کا مقصد ادارہ جاتی صلاحیت کو مضبوط بنانا، علمی معیار کے فروغ اور پاکستان کے اعلیٰ تعلیمی اداروں کی عالمی سطح پر نمایاں موجودگی اور مسابقت میں اضافہ کرنا ہے۔
ہائر ایجوکیشن کمیشن نے کمیٹی کو بتایا کہ ڈگریوں کی تصدیق کے لیے مکمل طور پر آن لائن اور paperless Degree Attestation System متعارف کرا دیا گیا ہے، جس نے سابقہ تصدیقی نظام کی جگہ لے لی ہے۔ نئے نظام کا مقصد درخواست گزاروں کو ایک streamlined، مؤثر، شفاف اور صارف دوست سہولت فراہم کرنا ہے۔ کمیٹی کو بتایا گیا کہ یہ paperless نظام HEC کی عوامی خدمات کی ڈیجیٹل تبدیلی کی جانب اہم قدم ہے، جس سے رسائی بہتر، تاخیر کم، انتظامی کارکردگی میں اضافہ اور درخواست گزاروں کو زیادہ سہل اور شفاف ڈگری تصدیق سروس میسر آئے گی۔
اجلاس میں جامعات کو درپیش اہم مسائل پر بھی بریفنگ دی گئی، جن میں گورننس سے متعلق امور، مالی مشکلات، فیکلٹی ممبران کی assessment and evaluation کے مسائل اور اہل انسانی وسائل کی کمی شامل ہیں۔ کمیٹی کو بتایا گیا کہ ہائر ایجوکیشن کمیشن جامعات کو تعلیمی اور انتظامی امور پر باقاعدگی سے پالیسی گائیڈ لائنز جاری کرتا ہے، جن میں plagiarism prevention اور undergraduate education policies بھی شامل ہیں، تاکہ اعلیٰ تعلیمی اداروں میں یکسانیت، معیار کی ضمانت اور مقررہ تعلیمی standards پر عمل درآمد یقینی بنایا جا سکے۔
HEC نے واضح کیا کہ مناسب انسانی وسائل کی دستیابی جامعات کے لیے ایک اہم چیلنج ہے، جو ان کی انتظامی اور تعلیمی صلاحیت کو متاثر کرتا ہے۔ کمیشن نے یہ بھی بتایا کہ موجودہ پالیسی فریم ورک کے تحت تحصیل سطح پر یونیورسٹی کیمپسز کا قیام جائز نہیں۔ مزید برآں HEC نے تجویز دی کہ وزارت خارجہ درخواست گزاروں کے لیے ڈگری attestation اور accreditation سے متعلق امور کو تیز کرنے اور ادارہ جاتی رابطے کو بہتر بنانے کے لیے HEC میں نامزد افسران تعینات کرنے پر غور کر سکتی ہے۔
کمیٹی نے سفارش کی کہ وزارت وفاقی تعلیم و پیشہ ورانہ تربیت، وزیر منصوبہ بندی، ترقی و خصوصی اقدامات کی جانب سے تشکیل دی گئی کمیٹی کے ساتھ مؤثر رابطہ اور ہم آہنگی قائم کرے تاکہ وزارت کو درپیش مسائل اور چیلنجز کے حل کے لیے درکار مالی وسائل کے حصول کے امکانات کا جائزہ لیا جا سکے۔ کمیٹی نے کہا کہ متعلقہ اسٹیک ہولڈرز کے درمیان مربوط کوششیں funding requirements کی بروقت نشاندہی، زیر التوا امور کی ترجیحی بنیادوں پر ترتیب اور مناسب وسائل کی فراہمی کے لیے ضروری ہیں۔
اس کے علاوہ School Management Committees کے کردار اور کارکردگی، طلبہ کے لیے بسوں اور مناسب ٹرانسپورٹ سہولتوں سے متعلق خدشات کے حوالے سے کمیٹی نے وزارت کو ہدایت کی کہ وہ ایک structured questionnaire کے ذریعے جامع تفصیلات فراہم کرے۔
اجلاس میں اراکین قومی اسمبلی انجم عقیل خان، راجہ خرم شہزاد نواز، ذوالفقار علی بھٹی، زیب جعفر، فرح ناز اکبر، سیدہ آمنہ بتول، ڈاکٹر شازیہ ثوبیہ اسلم سومرو، مہتاب اکبر راشدی، مسرت رفیق مہیسر، عبدالعلیم خان، سبین غوری اور عالیہ کامران نے شرکت کی۔ اجلاس میں سیکرٹری وزارت وفاقی تعلیم و پیشہ ورانہ تربیت، چیئرمین HEC، وزارت وفاقی تعلیم و پیشہ ورانہ تربیت کے حکام، ہائر ایجوکیشن کمیشن کے افسران اور دیگر متعلقہ افسران بھی موجود تھے۔
