پاکستان، 30 اکتوبر 2026: کوک اسٹوڈیو Nu.WAV نے اپنا پانچواں ٹریک ’قسم‘ ریلیز کر دیا ہے، جس میں شے گِل اور افیوزک نے آواز کا جادو جگایا ہے۔ اس تجرباتی پاپ گیت کو عبداللہ کسمبی نے پروڈیوس اور ڈائریکٹ کیا ہے۔
’قسم‘ میں جدید الیکٹرانک پروڈکشن کو سارنگی کے نمایاں جنوبی ایشیائی آہنگ کے ساتھ جوڑا گیا ہے۔ افیوزک کے تحریر کردہ اس گیت میں ایک ایسے رشتے کی کیفیت بیان کی گئی ہے جو تکلیف، وابستگی اور ساتھ نبھانے کی خواہش کے درمیان الجھا ہوا ہے۔ گیت کے بول جذباتی گہرائی رکھتے ہیں، جبکہ عبداللہ کسمبی کی پروڈکشن اسے متحرک اور توانائی سے بھرپور رکھتی ہے، جس سے معنی اور موسیقی کے احساس میں ایک خوبصورت تضاد پیدا ہوتا ہے۔
اسی تضاد کا اظہار آوازوں میں بھی سنائی دیتا ہے۔ افیوزک اپنی مانوس ریتمک phrasing کے ساتھ سامنے آتے ہیں، جبکہ شے گِل اس گیت میں ایسی vocal range اور انداز آزماتی ہیں جو سامعین نے ان سے نسبتاً کم سنا ہے۔ دونوں آوازوں کی بناوٹ مختلف رہتی ہے اور گل خان کی سارنگی الیکٹرانک ساؤنڈ کے اندر ایک اور جذباتی تہہ شامل کرتی ہے۔
عبداللہ کسمبی کی ہدایت کاری میں حرکت کو مرکزی حیثیت دی گئی ہے۔ ویڈیو رشتے کی کہانی کو براہ راست بیان کرنے کے بجائے choreography کے ذریعے تعلق کے مختلف مراحل دکھاتی ہے؛ دو افراد کا قریب آنا، دور ہونا، ایک دوسرے پر اعتماد کرنے کی کوشش کرنا اور پھر واپس راستہ تلاش کرنا۔
ویڈیو کے ایک حصے میں غیر مرئی ڈوریاں رقاصوں کو جوڑتی اور کنٹرول کرتی دکھائی دیتی ہیں، جبکہ بعض مناظر میں جسم ایسے حرکت کرتے ہیں جیسے ٹانکے بار بار جڑ رہے ہوں اور پھر الگ ہو رہے ہوں۔ یہ خیال گیت کے مرکزی موضوع سے ہم آہنگ ہے، یعنی ایسا رشتہ جو خود کو جوڑنے کی کوشش کر رہا ہے مگر ٹوٹنے کے خطرے سے بھی دوچار ہے۔ اس تصور میں موومنٹ ڈائریکٹر شمس منصور کا کردار نمایاں ہے۔
موسیقی ویڈیو کراچی کے ایک صدی پرانے برسٹل ہوٹل میں فلم بند کی گئی۔ حماد سہیل کے پروڈکشن ڈیزائن نے عمارت کی موجودہ شناخت کو ہی بصری دنیا کا حصہ بنایا۔ پرانے اندرونی حصے، فانوس، وقت کے اثرات لیے سطحیں، مرجھاتے پھول اور ایک ایسا ضیافت کا منظر جسے چھیڑا نہ گیا ہو، مل کر ایک ایسے ماحول کی تشکیل کرتے ہیں جو طویل عرصے سے آباد محسوس ہوتا ہے۔
ویڈیو میں شمع اور پروانے کی علامت بھی بار بار سامنے آتی ہے۔ یہ خیال عبداللہ کسمبی اور شمس منصور کے دورۂ قونیہ کے دوران رومی اور صوفی فکر سے واسطے کے بعد ابھرا، اور شمع و پروانہ کے معروف استعارے سے جڑا ہے، جس میں پروانہ بے اختیار شمع کی جانب کھنچا چلا جاتا ہے۔ ’قسم‘ میں یہ استعارہ اس رشتے کو دیکھنے کا ایک اور زاویہ بن جاتا ہے جہاں کشش اور جذباتی خطرہ ساتھ ساتھ موجود ہیں۔ ویڈیو کے آخری لمحات میں، جب شے افیوزک کا ہاتھ تھامنے کو بڑھتی ہیں، پروانہ بھی شمع تک پہنچ جاتا ہے۔
کوک اسٹوڈیو Nu.WAV کے ایگزیکٹو پروڈیوسر کمال خان نے ’قسم‘ کے بارے میں کہا کہ یہ شروع سے عبداللہ کی دنیا تھی۔ وہ گیت پروڈیوس بھی کر رہے تھے اور ویڈیو ڈائریکٹ بھی، اس لیے دونوں پہلو فطری طور پر ساتھ پروان چڑھے۔ ان کے مطابق افیوزک نے بہت حقیقی جگہ سے لکھا، شے اس گیت میں کافی مختلف سنائی دیتی ہیں، جبکہ شمس نے رشتے کو حرکت کے ذریعے دکھانے کا ایسا طریقہ نکالا جو حد سے زیادہ لفظی نہیں تھا۔ کمال خان نے مزید کہا کہ برسٹل ہوٹل میں پہلے ہی بہت کردار موجود تھا، اس لیے کسی چیز کو زبردستی شامل کرنے کی ضرورت نہیں پڑی۔ سارنگی، رقاص، شمع اور پروانے کا خیال—سب ایک ہی دنیا کا حصہ محسوس ہوتے ہیں۔
’قسم‘ میں دو ایسے فنکار یکجا ہوئے ہیں جن کے سفر جدید جنوبی ایشیائی موسیقی میں مختلف راستوں کی نمائندگی کرتے ہیں۔ شے گِل نے کوک اسٹوڈیو کے سیزن 14 میں علی سیٹھی کے ساتھ ’پسوڑی‘ کے ذریعے ڈیبیو کیا تھا، جو یوٹیوب پر ایک ارب ویوز عبور کرنے والی پہلی مقامی طور پر تیار کردہ پاکستانی میوزک ویڈیو بنی۔ اس کے بعد شے گِل نے حسن اینڈ روشن کے ساتھ ’سکون‘، علی سیٹھی، مانو اور عبداللہ صدیقی کے ساتھ ’Le Right‘، عاصم اظہر کے ساتھ ’بُلّےیا‘، اور کوک اسٹوڈیو گلوبل کے ’One Love‘ میں ترک فنکار Evdeki Saat کے ساتھ اشتراک کے ذریعے اپنا بین الاقوامی پروفائل مزید مضبوط کیا۔
دوسری جانب افیوزک ڈیجیٹل پلیٹ فارمز سے ابھرنے والے گلوکار، نغمہ نگار اور rapper سے ترقی کرتے ہوئے جدید جنوبی ایشیائی پاپ اور ہپ ہاپ کی نمایاں ابھرتی آوازوں میں شامل ہوئے ہیں۔ ان کا breakout ٹریک ’Pal Pal‘ پاکستان سے باہر بھی سامعین تک پہنچا، UK Official Asian Music Chart میں سرفہرست رہا اور Canadian Hot 100 میں بھی شامل ہوا۔ ’قسم‘ کوک اسٹوڈیو Nu.WAV پر ان کی دوسری پیشی ہے؛ اس سے قبل وہ پلیٹ فارم کی افتتاحی ریلیز ’Dil‘ میں شامل تھے۔
گیت اور ویڈیو دونوں کے پیچھے عبداللہ کسمبی موجود ہیں، جن کا بطور پروڈیوسر اور ڈائریکٹر کام ’قسم‘ کی صوتی اور بصری دنیا کو ایک ہی تخلیقی خیال کے تحت آگے بڑھاتا ہے۔ تخلیقی اسٹوڈیو FT.WA کے شریک بانی کے طور پر کسمبی موسیقی پروڈکشن، visual direction اور live performance پر مشتمل کام کر چکے ہیں۔
’قسم‘ کے ایگزیکٹو پروڈیوسر کمال خان ہیں۔ گیت کو عبداللہ کسمبی نے produce، arrange اور mix کیا، گل خان نے سارنگی بجائی، جبکہ Sean Tallman نے mastering انجام دی۔
موسیقی ویڈیو کی ہدایت کاری بھی عبداللہ کسمبی نے کی ہے۔ cinematography بابر دہر نے کی، production design حماد سہیل کا ہے، styling فراز شیخ اور ٹیم نے کی، شے گِل کا look نویرا عزیز نے تیار کیا، جبکہ movement شمس منصور اور شانِ قاسم منصور نے انجام دی۔ production کی قیادت Gali Films نے کی، اور core production team میں ایمان خان، جمال ہارون، زرمین علی، تیمور عامر اور فریحہ افضل شامل ہیں۔
’قسم‘ کوک اسٹوڈیو Nu.WAV کی چھ ریلیزز میں پانچویں نمبر پر ہے۔ اس سے پہلے ’Dil‘، ’Rangeen‘، ’Maheya‘ اور ’Shabnam‘ جاری کیے جا چکے ہیں، جبکہ آخری ریلیز اور اس کی creative world آئندہ سامنے آئے گی۔
’قسم‘ دیکھنے کے لیے: https://www.youtube.com/watch?v=iCQ1MfeI2d0
سننے کے لیے: https://open.spotify.com/album/4q5WpIQxf8CdHmihsCJGmM
کوک اسٹوڈیو Nu.WAV کے سفر کے لیے: https://www.instagram.com/coke_studio
