عوام پاکستان پارٹی کے مرکزی نائب صدر چوہدری انعام ظفر اور ایڈیشنل جنرل سیکرٹری حافظ عثمان عباسی نے یومِ آزادی کے موقع پر قوم کو مبارکباد پیش کرتے ہوئے کہا ہے کہ 14 اگست ہمیں قیامِ پاکستان کے لیے دی گئی قربانیوں اور قائداعظم محمد علی جناح کی جدوجہد کی یاد دلاتا ہے۔
انہوں نے کہا کہ آزادی اللہ تعالیٰ کی بہت بڑی نعمت ہے اور اس کا تحفظ پوری قوم کی مشترکہ ذمہ داری ہے۔ رہنماؤں کے مطابق مضبوط اور خوشحال پاکستان کی تعمیر کے لیے قومی اتحاد، جمہوریت، قانون کی حکمرانی، میرٹ، شفافیت اور معاشی استحکام ناگزیر ہیں۔
چوہدری انعام ظفر اور حافظ عثمان عباسی نے نوجوانوں کو بہتر تعلیم، روزگار اور فیصلہ سازی میں مواقع فراہم کر کے بااختیار بنانے کی ضرورت پر زور دیا۔ انہوں نے کہا کہ سیاسی اختلافات سے بالاتر ہو کر قومی مفاد کو مقدم رکھا جانا چاہیے۔
دونوں رہنماؤں نے عوامی فلاح، قومی ترقی اور ایک مستحکم جمہوری پاکستان کے لیے مثبت سیاست کو فروغ دینے کے عزم کا اعادہ کیا۔
پاکستان زندہ باد!
