چوہدری عبد المجید نے بی بی شہید کی برسی کے موقع پر منعقدہ پروگرامز اور کارکنان کے جوش و خروش کو سراہتے ہوئے کہا کہ پاکستان پیپلز پارٹی کا نظریہ آج بھی زندہ ہے اور لوگ اسی نظریے کے تحت پارٹی کے لیے اپنی جان و مال قربان کرنے کو تیار ہیں۔ انہوں نے خاص طور پر فیصل ممتاز راٹھور کے عوامی جذبے اور بی بی شہید کے اصولوں پر عمل کرنے کی تعریف کی۔انہوں نے پارٹی قیادت خصوصاً صدر آصف علی زرداری کی سیاسی حکمت عملی پر بھرپور اعتماد کا اظہار کرتے ہوئے کہا کہ صدر نے ملکی مفاد میں بہادری سے فیصلے کیے اور بیرونی چیلنجوں کا منہ توڑ جواب دیا۔ چوہدری عبد المجید نے کہا کہ عدالتی اور دفاعی معاملات میں سید عاصم منیر کی پیشہ وارانہ صلاحیتوں کے ساتھ انصاف کا مظاہرہ ایک قابل دید اقدام تھا۔وزیراعظم آزاد جموں و کشمیر بننے پر فیصل ممتاز راٹھور کو مبارکباد پیش کرتے ہوئے انہوں نے کہا کہ فیصل ممتاز راٹھور نے بی بی شہید کے نظریہ خدمت کو اپنایا اور برمنگھم میں بیٹھے کارکنان کی محنت، وابستگی اور محبت کی خبریں دن رات پہنچ رہی ہیں جو خوش آئند اور قابل تحسین ہے۔ چوہدری عبد المجید نے کہا کہ عوامی خدمت ہی وہ راستہ ہے جس نے بی بی شہید کو عوام کے دلوں میں جگہ دلائی اور یہی جذبہ آج فیصل ممتاز راٹھور میں بھرپور موجود ہے۔انہوں نے مخالفین کی اس کوشش کی تنقید کی کہ وہ عہدے اپنے خاندان میں بانٹنے کی کوشش کرتے ہیں اور واضح کیا کہ ایک کارکن کو وزیراعظم بنانے کا حوصلہ اور بصیرت صرف پارٹی قیادت میں ہی ہو سکتی ہے۔ چوہدری عبد المجید نے یقین ظاہر کیا کہ فیصل ممتاز راٹھور بطور وزیراعظم عوامی خدمت کے ذریعے اپنی پہچان تاریخ میں سنہری حروف سے درج کروائیں گے اور پارٹی کا نظریہ اسی جذبے سے زندہ رہے گا۔
فیصل ممتاز راٹھور عوامی خدمت کے عزم پر گامزن
کوئی تبصرہ نہیں ہے۔
