اسلام آباد: پاکستان انفارمیشن کمیشن (پی آئی سی) نے سیکریٹری ریلوے کو نوٹس بھیج کر وضاحت طلب کی ہے کہ کسی شخص کو معلومات کیوں فراہم نہیں کی گئیں۔
درخواست جمع کرانے والے شخص محمد اویس نے چیف انفارمیشن کمشنر شعیب احمد صدیقی اور کمیشن کے رکن اعجاز حسن اعوان سے شکایت کی جس میں کہا گیا کہ پاکستان ریلوے کی ریل کوپ کمپنی نے انہیں وہ معلومات فراہم نہیں کیں جو انہوں نے مانگی تھیں۔
پاکستان انفارمیشن کمیشن نے 1300 اپیلیں نمٹا دیں
حالیہ سماعت کے دوران کمیشن نے پاکستان ریلوے سے کہا تھا کہ وہ شہریوں کو متعلقہ معلومات فراہم کرے۔ اس کے باوجود، ریلوے نے کمیشن کی طرف سے دی گئی ہدایت کی تعمیل نہیں کی۔
کمیشن نے سماعت کے دوران پاکستان ریلوے کے کسی بھی عہدیدار کی عدم موجودگی پر تشویش کا اظہار کرتے ہوئے کہا کہ پاکستان ریلوے کو قانون کے مطابق یہ معلومات ظاہر کرنے کی ضرورت ہے لیکن پاکستان ریلوے کا کوئی عہدیدار موجود نہیں تھا۔
پی آئی سی نے سیکرٹری ایف بی آر کو ٹیکس نظام میں شفافیت کے فقدان کی وضاحت کا حکم دے دیا
کمیشن نے وفاقی سیکرٹری ریلوے کو نوٹس دیا ہے کہ وہ آئندہ سماعت پر حاضر ہوں اور شہریوں کو وہ 
معلومات فراہم کریں جو صورتحال سے متعلق ہوں۔
شہری نے پاکستان ریلوے کمپنی ریل کوپ میں گزشتہ تین سالوں کے دوران ملازمت کرنے والے کارکنوں کے بارے میں معلومات کے ساتھ ساتھ کمپنی کے منافع، ٹریک مشینوں کے استعمال اور کسی بھی خراب مشین کی تفصیلات کے بارے میں معلومات کے لئے درخواست جمع کرائی تھی۔
پاکستان ریلویز کی ریل کوپ کمپنی کو ہدایت کی گئی ہے کہ وہ آئندہ سماعت پر پیش ہونے کو یقینی بنائے تاکہ وہ شہریوں کو ایسی معلومات فراہم کرسکے جو صورتحال سے متعلق ہوں۔
تبصرے