مردان: ویمن یونیورسٹی مردان نے شعبہ ریاضی میں پہلی مرتبہ ایم فل وائیوا ووسے کے کامیاب انعقاد کے ساتھ ایک اہم تعلیمی سنگِ میل عبور کر لیا۔
یونیورسٹی کے مطابق شعبہ ریاضی کے پانچ ایم فل اسکالرز نے باقاعدہ طور پر اپنی تحقیقی مقالہ جات پیش کیے اور تشکیل شدہ امتحانی کمیٹی کے سامنے ان کا دفاع کیا۔
اس موقع پر شہید بے نظیر بھٹو ویمن یونیورسٹی پشاور کی ڈاکٹر حنا ظاہر اور عبدالولی خان یونیورسٹی مردان کی ڈاکٹر مہرین فضا نے بیرونی ممتحن کے طور پر فرائض انجام دیے۔ ایم فل اسکالرز کی نگرانی ڈاکٹر مہناز اور ڈاکٹر سمیرا سلیم نے کی۔
ویمن یونیورسٹی مردان نے اس نمایاں تعلیمی کامیابی پر اسکالرز، ان کی سپروائزرز اور شعبہ ریاضی کو دلی مبارک باد پیش کی ہے۔ یونیورسٹی کے مطابق یہ کامیابی ادارے کی معیاری پوسٹ گریجویٹ تحقیق اور تعلیمی عمدگی کے فروغ کے لیے جاری وابستگی کی عکاس ہے۔
یونیورسٹی نے اس اہم تعلیمی سرگرمی کے کامیاب اور منظم انعقاد میں ڈائریکٹر اے ایس آر بی، کنٹرولر امتحانات، متعلقہ افسران اور عملے کے تعاون کو بھی سراہا۔
