سینیٹ چیئرمین سید یوسف رضا گیلانی نے منال گروپ کے سربراہ لقمان افضال کی میزبانی میں اٹلی کی سفیرہ کے اعزاز میں منعقدہ الوداعی استقبالیہ میں بطور مہمانِ خصوصی شرکت کی۔ اس موقع پر حکومتی و سماجی حلقوں اور سفارتی مشنز کے نمائندوں کی بڑی تعداد موجود تھی۔تقریب میں گورنر خیبر پختونخوا فیصل کریم کنڈی، وفاقی وزیر برائے پارلیمانی امور ڈاکٹر طارق فضل چودھری، وفاقی وزیر برائے قومی غذائی تحفظ رانا تنویر حسین، وزیر برائے دفاعی پیداوار رضا حیات ہراج، وزیر مملکت برائے قانون و انصاف بیرسٹر عقیل ملک، وزیراعظم کے مشیر توقیر شاہ کے علاوہ متعدد وفاقی وزراء، ممالک کے سفیران، کاروباری برادری اور سماجی شخصیات شریک ہوئیں۔سینیٹ چیئرمین نے اٹلی کی سفیرہ کی پاکستان اور اٹلی کے بیچ دیرینہ دوستانہ تعلقات کو فروغ دینے میں خدمات کو سراہا اور ان کے آئندہ مشاغل اور کامیابیوں کے لیے نیک تمنائیں پیش کیں۔ انہوں نے واضح کیا کہ دونوں ممالک کے تعلقات مستقبل میں مزید مضبوط اور شراکت داری پر مبنی رہیں گے۔تقریب کے دوران شرکاء نے باہمی دلچسپی کے امور اور تجارتی و سفارتی تعاون کے امکانات پر گفتگو کی جبکہ میزبان لقمان افضال نے مہمانوں کی شرکت پر اظہارِ تشکر کیا۔ سینیٹ چیئرمین نے الوداعی موقع پر سفیرہ کے خدمات کا اعتراف کرتے ہوئے دوطرفہ تعلقات کے فروغ کے عزم کا اعادہ کیا۔
سینیٹ چیئرمین کا اٹلی کے سفیر کے الوداعی استقبالیہ میں شرکت
کوئی تبصرہ نہیں ہے۔
