پیپلز پارٹی عوام کی مقبول جماعت برقرار

پیپلز پارٹی کے 58ویں یومِ تاسیس کے موقع پر پیپلز پارٹی جرمنی اور پیپلز پارٹی ورکر اتحاد کی میزبانی میں مقامی ہوٹل میں ایک یادگار تقریب منعقد ہوئی جس میں پارٹی کے سینکڑوں کارکن اور رہنما شریک ہوئے۔ ملک خالد نواز بوبی نے کہا کہ تمام سازشوں اور انتقامی کارروائیوں کے با وجود پیپلز پارٹی عوام کی مقبول جماعت بنی ہوئی ہے اور کارکنوں کو دیوار سے لگانے کی کسی بھی سازش کو کامیاب نہیں ہونے دیا جائے گا۔پیپلز پارٹی کے نائب صدر ملک خالد نواز بوبی نے کہا کہ نظریاتی، بے لوث اور مخلص کارکن ہی پارٹی کی اصل طاقت ہیں اور یہی قوت پیپلز پارٹی کو مزدور، کسان، طلبہ، تاجروں، وکلاء، خواتین اور پسے ہوئے طبقات کی حقیقی نمائندہ جماعت بناتی ہے۔ انہوں نے کہا کہ یومِ تاسیس اس بات کی غماز ہے کہ پارٹی آج بھی اپنے مقاصد اور عوامی دردمندی پر قائم ہے۔تقریب کی صدارت پیپلز پارٹی جرمنی کے ترجمان امجد بٹ نے کی جبکہ منتظمین میں ورکرز اتحاد کے رہنما بنارس چوہدری شامل تھے۔ دیگر مقررین میں سید یاسین آزاد، امجد بٹ، ناصر میر، راجہ ظہیر اقبال، طارق وحید بٹ، فلک شیر خان لودھی، سعید اختر پپا، سہیل مختار، ملک عدیل بٹ، ناصر قیوم، محمد عبدالرحمن توکلی، سید مسعود شاہ ایڈووکیٹ اور سردار خالد مقبول ایڈووکیٹ شامل تھے جنہوں نے پارٹی کی یکجہتی اور گلی کوچوں تک عوامی رابطہ برقرار رکھنے کی ضرورت پر زور دیا۔خواتین ونگ کی نمائندہ سعدیہ عباسی، گلناز باد شاہ، سعیدہ بی بی، شہزادی کوثر گیلانی، مسرت گجر سمیت دیگر خواتین رہنماؤں نے بھی شرکت کی اور پارٹی کے سیاسی و سماجی ایجنڈے کی تائید کا اظہار کیا۔ شرکاء نے مل کر عہد کیا کہ وہ اتحاد اور یکجہتی سے پیپلز پارٹی کو ملک بھر میں دوبارہ مقبول عوامی جماعت بنائیں گے اور کارکنان میدان میں اپنی ذمہ داریوں کو نبھائیں گے۔تقریب کے آخر میں پیپلز پارٹی کے 58ویں یومِ تاسیس کے موقع پر دو سو پاؤنڈ وزن کا کیک کاٹا گیا جسے شرکاء نے مل کر موسمی گفتگو اور خیرسگالی کے جذبات کے ساتھ تقسیم کیا۔ پیپلز پارٹی کے رہنماؤں نے آخر میں کارکنوں کا حوصلہ بڑھایا اور مستقبل میں بھی یکجا ہو کر عوامی خدمت جاری رکھنے کی رپورٹ دی۔