لاہور: دنیا بھر میں تیزی سے مقبول ہونے والا کھیل پیڈل اب لاہور میں بھی متعارف کرا دیا گیا ہے، جہاں جدید سہولیات سے آراستہ “دی گارڈن پیڈل” کلب کا افتتاح کر دیا گیا۔
یہ 24 گھنٹے کھلا رہنے والا کلب ہر سطح کے کھلاڑیوں کے لیے ڈیزائن کیا گیا ہے، جس کا مقصد اس تیزی سے ابھرتے ہوئے کھیل کو فروغ دینا اور ایک متحرک سماجی ماحول فراہم کرنا ہے۔
گرین فورٹس 2 کے قریب دی گارڈن اسپائس ریسٹورنٹ کے ساتھ واقع اس کلب میں عالمی معیار کے پیڈل کورٹ کے ساتھ ساتھ منی گالف، وی آر گیمنگ اور ریسٹورنٹ جیسی سہولیات بھی موجود ہیں، جو اسے خاندانوں اور دوستوں کے لیے ایک منفرد تفریحی مقام بناتی ہیں۔
دی گارڈن پیڈل کے بانی فیضان خالد کے مطابق پیڈل صرف ایک کھیل نہیں بلکہ ایک سماجی تجربہ ہے جو لوگوں کو قریب لاتا ہے۔ ان کا کہنا تھا کہ اس منصوبے کا مقصد لاہور میں ایک ایسا مرکز قائم کرنا ہے جہاں لوگ کھیل، تفریح اور جدید طرزِ زندگی سے لطف اندوز ہو سکیں۔
واضح رہے کہ ٹینس اور اسکواش کے امتزاج پر مبنی کھیل پیڈل دنیا بھر میں تیزی سے مقبول ہو رہا ہے، اور دی گارڈن پیڈل لاہور کو اس عالمی رجحان میں نمایاں مقام دلانے کے لیے پرعزم ہے۔ یہاں جدید کورٹ 4500 روپے میں دستیاب ہے، جو اسے شہر کا نمایاں پیڈل مرکز بناتا ہے۔
