۲۲ ستمبر ۲۰۲۵ کو وزیراعلیٰ پنجاب محترمہ مریم نواز شریف کی خصوصی دعوت پر راولپنڈی بورڈ میں انٹرمیڈیٹ پہلی سالانہ امتحان ۲۰۲۵ ہومینیٹیز گروپ میں ۱۰۰۳ نمبر لے کر دوسری پوزیشن حاصل کرنے والے طالبعلم اویس علی کو اعزازی طور پر بلایا گیا۔ اس موقع پر صوبائی وزیر برائے تعلیم جناب رانا سکندر حیات اور چیف ایگزیکٹو آفیسر ڈسٹرکٹ ایجوکیشن اتھارٹی راولپنڈی جناب طارق محمود بھی موجود تھے۔ اویس علی گورنمنٹ ہائر سیکنڈری سکول کونتریلا تحصیل گوجرخان ضلع راولپنڈی کے طالبعلم ہیں اور ان کی اس نمایاں کامیابی کو سرکاری حلقوں نے سراہا۔اویس علی کی محنت اور کارکردگی پر وزیراعلیٰ نے خاص طور پر تعریف کی اور کہا کہ سرکاری سکولوں کے طلبہ محنت و لگن سے نمایاں کامیابیاں حاصل کر سکتے ہیں۔ اسی جذبے کے تحت وزیراعلیٰ نے اویس علی کو حوصلہ افزائی کے لیے پانچ لاکھ روپے کا خصوصی انعامی چیک بھی عطا کیا تاکہ دیگر طلبہ کے لیے ایک مثال قائم ہو۔ اس اعزازی اعانت کا مقصد مقامی سطح پر تعلیم کے معیار کو فروغ دینا اور قابل طالبعلموں کی حوصلہ افزائی کرنا بتایا گیا۔منسٹر فار ایجوکیشن جناب رانا سکندر حیات اور سیکرٹری پنجاب سکول ایجوکیشن ڈیپارٹمنٹ خالد نذیر وٹو نے اس موقع پر اویس علی اور ان کے والدین کو یقین دلایا کہ پنجاب حکومت تعلیم کے شعبے میں مستقبل میں بھی بھرپور تعاون جاری رکھے گی۔ انہوں نے کہا کہ ایسے شاگرد سرکاری نظام تعلیم کی کامیابی کی علامت ہیں اور حکومت انہیں ہر ممکن تعاون فراہم کرے گی۔چیف ایگزیکٹو آفیسر راولپنڈی طارق محمود نے اتھارٹی کی کارکردگی کی تعریف کرتے ہوئے کہا کہ ڈپٹی کمشنر راولپنڈی حسن وقار چیمہ کے زیر نگرانی اتھارٹی کوالٹی ایجوکیشن کو یقینی بنانے کے لیے مسلسل کوششیں کر رہی ہے۔ اس موقع پر حکومتی عہدیداروں نے مقامی تعلیمی اداروں میں بہتری کے عزم کا اعادہ کیا اور کہا کہ اویس علی جیسی کامیابیاں دیگر طلبہ کے لیے حوصلہ افزا ثابت ہوں گی۔ملاقات کے دوران تعلیمی معاملات اور مستقبل میں طلبہ کی حوصلہ افزائی کے طریقوں پر گفتگو ہوئی جبکہ والدین کو بھی مستقبل میں سکول اور صوبائی محکمہ کے تعاون کی یقین دہانی کرائی گئی۔ اویس علی کی شاندار کامیابی کو تعلیمی شناخت قرار دیا گیا اور انتظامی سطح پر اس طرح کے طلبہ کی مزید مدد کے عزم کا اظہار کیا گیا۔
وزیراعلیٰ پنجاب کا اویس علی سے خصوصی اعزازی ملاقات
کوئی تبصرہ نہیں ہے۔
