اسلام آباد، 11 اگست: انٹر بورڈز کوآرڈینیشن کمیشن (آئی بی سی سی) کے ایگزیکٹو ڈائریکٹر ڈاکٹر غلام علی ملاح کو تعلیم کے شعبے میں نمایاں اصلاحات، جدت اور مؤثر قیادت کے اعتراف میں ’’ایجوکیشن ریفارمز چیمپئن 2026‘‘ کے اعزاز سے نوازا گیا۔
یہ اعزاز CxO Global Forum کے زیر اہتمام اسلام آباد میں منعقدہ Transform Award – Elevate 2026 کی تقریب میں دیا گیا۔ ڈاکٹر غلام علی ملاح کو تعلیمی اصلاحات، ڈیجیٹل تبدیلی، ادارہ جاتی جدیدکاری اور عوامی سہولت کے شعبوں میں غیر معمولی خدمات پر اس اعزاز کا مستحق قرار دیا گیا۔
آئی بی سی سی کے مطابق ڈاکٹر غلام علی ملاح کی قیادت میں انتظامی امور اور عوامی خدمات کو زیادہ آسان، قابل رسائی، شفاف اور مؤثر بنانے پر خصوصی توجہ دی گئی۔ اس دوران طریقۂ کار کو سہل بنانے اور جدید ٹیکنالوجی کے مؤثر استعمال کو بھی ترجیح دی گئی۔
یہ اطلاع میڈیا ڈیپارٹمنٹ، آئی بی سی سی کی جانب سے جاری کی گئی۔
