بیجنگ میں پاکستان کے سفیر خلیل ہاشمی نے چین میں تعینات نئے ترک سفیر سیلچک انال کا خیرمقدم کیا۔ دونوں سفیروں نے پاکستان اور ترکی کے درمیان قدیم تاریخی و ثقافتی رشتوں پر گفتگو کی اور دو طرفہ تعلقات کے جدید دور میں ہونے والی پیشرفت پر روشنی ڈالی۔
ملاقات میں دونوں ممالک کے درمیان موجود قریبی تعلقات کو مزید مضبوط بنانے کے عزم کا اظہار کیا گیا۔ فریقین نے باہمی مشاورت اور رابطے کو مستقل بنیادوں پر جاری رکھنے پر اتفاق کیا تاکہ چین میں اپنے اپنے عہدے کے دوران تعلقات کو فروغ دیا جا سکے۔ دو طرفہ سفارتی تعلقات کے فروغ اور مشترکہ دلچسپی کے امور پر بھی بات چیت کی گئی۔
