دوحہ، قطر میں جی ایس ایم اے موبائل ورلڈ کانگریس کی سائیڈ لائنز پر وفاقی وزیر برائے انفارمیشن ٹیکنالوجی و ٹیلی کام شزا فاطمہ خواجہ نے اسلامی ترقیاتی بینک کے وفد سے ملاقات کی۔ ملاقات میں دونوں فریقین نے باہمی دلچسپی کے امور پر تبادلۂ خیال کیا اور پاکستان میں ٹیکنالوجی سے چلنے والی معاشی نمو کو تیز کرنے کے طریقوں پر غور کیا گیا۔ملاقات میں پاکستان کی ڈیجیٹل ترقی پر مفصل گفتگو ہوئی اور حکومتی پالیسیوں کے ذریعے کنیکٹیویٹی، ڈیجیٹل خدمات کی رسائی اور سرمایہ کاری کے مواقع بڑھانے پر زور دیا گیا۔ شرکاء نے تکنیکی معاونت اور مشترکہ منصوبوں کے ذریعے ڈیجیٹل ترقی کے اہداف تک پہنچنے کی حکمتِ عملیوں پر بھی بات کی۔وزیرِ مملکت شزا فاطمہ خواجہ نے کہا کہ پاکستان ربط، شمولیت اور جدت پر مبنی ڈیجیٹل مستقبل کی طرف بھرپور پیش رفت کر رہا ہے اور اس پیش رفت کو مزید مضبوط بنانے کے لئے اسلامی ترقیاتی بینک کے ساتھ تعاون میں توسیع ضروری ہے۔ وفاقی وزیر نے ڈیجیٹل نیشن پاکستان کے وژن کے تحت مشترکہ منصوبوں کو آگے بڑھانے کے عزم کا اظہار کیا۔ملاقات کے اختتام پر پاکستان اور اسلامی ترقیاتی بینک نے تکنیکی تعاون اور سرمایہ کاری کے نئے راستوں پر اتفاق کیا، جن سے مستقبل میں مشترکہ پروجیکٹس کو فروغ ملے گا اور ملک کی ڈیجیٹل ترقی کو عملی شکل ملے گی۔
وفاقی وزیر کی ڈیجیٹل ترقی پر اسلامی ترقیاتی بینک سے ملاقات
کوئی تبصرہ نہیں ہے۔
