اسلام آباد میں وفاقی وزیر مواصلات عبدالعلیم خان سے فئیر ڈیل مارکیٹنگ کے چیئرمین چوہدری عبدالرؤف اور اسلام آباد چیمبر آف کامرس اینڈ انڈسٹری کے سابق سینئر نائب صدر محمد نوید ملک نے ملاقات کی۔ اس موقع پر باہمی دلچسپی کے امور پر تفصیلاً بات چیت کی گئی اور تجارتی برادری کو درپیش چیلنجز کا ذکر کیا گیا۔ملاقات میں کاروباری و تجارتی سرگرمیوں کے فروغ اور مواصلاتی شعبے میں بہتری کے حوالے سے مختلف نکات پر گفتگو ہوئی۔ شرکاء نے مقامی اور ملکی سطح پر کاروباری ماحول کو بہتر بنانے کے اقدامات پر تبادلہ خیال کیا اور نقل و حمل کے نظام میں اصلاحات کی ضرورت پر زور دیا گیا تاکہ تجارتی سرگرمیوں میں آسانیاں پیدا ہوں۔وفاقی وزیر مواصلات نے کہا کہ حکومت کاروباری طبقے کو سہولیات فراہم کرنے کے لئے سنجیدہ اقدامات کر رہی ہے اور نجی شعبے کے ساتھ تعاون کو مزید مضبوط بنایا جائے گا۔ اس موقع پر ملکی ترقی، سرمایہ کاری کے مواقع اور سرکاری نجی شراکت کے فروغ کے امکانات پر بھی تفصیلی گفتگو ہوئی جس میں سرمایہ کاری کے خواہشمند شعبوں پر بھی توجہ دی گئی۔چوہدری عبدالرؤف اور محمد نوید ملک نے وفاقی وزیر کے اقدامات کو سراہا اور کاروباری برادری کو درپیش مسائل سے آگاہ کیا۔ انہوں نے امید ظاہر کی کہ حکومت اور نجی شعبے کے مشترکہ اقدامات سے مثبت نتائج سامنے آئیں گے اور تجارتی سرگرمیوں میں بہتری کے ذریعے معاشی ترقی کے نئے دروازے کھلیں گے۔
وفاقی وزیر مواصلات سے تاجروں کی اہم ملاقات
کوئی تبصرہ نہیں ہے۔
