*فیصل بینک کو عمدہ سی ایس آر خدمات پر این ایف ای ایچ ایوارڈز میں اعزازات سے نوازا گیا*
اسلام آباد: پاکستان کے صف اول کے اسلامی بینکوں میں سے ایک فیصل بینک لمیٹڈ (ایف بی ایل) کو نیشنل فورم فار انوائرمنٹ اینڈ ہیلتھ (NFEH) کے سی ایس آر ایوارڈز میں 8 باوقار اعزازات سے نوازا گیا ہے، جو پائیداری، جامع ترقی اور پاکستان بھر میں قابل پیمائش سماجی اثرات کے میدان میں بینک کی قیادت کا اعتراف ہے۔
یہ ایوارڈز مختلف اہم شعبوں، جیسے سی ایس آر رپورٹنگ، شراکت داریاں، موسمیاتی استحکام، تعلیم، جدت، اثرات کی پیمائش، شمولیت اور خواتین کو بااختیار بنانا پر مشتمل ہیں، جو ذمہ دارانہ بینکاری کے حوالے سے بینک کے جامع اور ESG سے ہم آہنگ وژن کی عکاسی کرتے ہیں۔
یہ اعزازات فیصل بینک کے شفاف پائیداری رپورٹنگ، کثیر فریقی شراکت داریوں، موسمیاتی اقدامات، تعلیمی بہتری، فنی و پیشہ ورانہ معاونت اور ملک گیر سطح پر خواتین کی معاشی شمولیت کے لیے عزم کو اجاگر کرتے ہیں۔
اس کامیابی پر اظہارِ خیال کرتے ہوئے فیصل بینک کے صدر و سی ای او یوسف حسین نے کہا، ”یہ ایوارڈز ہماری ذمہ دارانہ اور جامع ترقی کی لگن کی تصدیق کرتے ہیں۔ ایف بی ایل میں ہمارا ماننا ہے کہ پائیدار ترقی مضبوط گورننس، بامعنی شراکت داریوں اور قابلِ پیمائش اثرات کے ذریعے ہی ممکن ہے۔ ہم کمیونیٹیز کو مستحکم بنانے اور پاکستان کی طویل المدتی سماجی و معاشی ترقی میں کردار ادا کرنے کے لیے پُرعزم ہیں۔“
یہ سنگِ میل فیصل بینک کے مقصد پر مبنی اسلامی بینک کی حیثیت کو مستحکم بناتا ہے، جو ماحولیاتی تحفظ، سماجی ذمہ داری اور بہترین طرزِ حکمرانی کو اپنی بنیادی حکمتِ عملی میں شامل کیے ہوئے ہے۔
