ڈاکٹر سمیرا شمس، چیئرپرسن کمیشن برائے وقارِ نسواں، فرانس کے سفیر کی خصوصی دعوت پر فرانکو-جرمن انسانی حقوق انعام کی تقریب میں فرانسیسی رہائش گاہ میں شریک ہوئیں۔ اس موقع پر انسانی حقوق اور انسانی وقار کے فروغ کے لیے نمایاں خدمات انجام دینے والوں کو سراہا گیا اور مختلف شعبوں سے وابستہ نمائندہ شخصیات نے شرکت کی۔تقریب میں اظہارِ خیال کرتے ہوئے انہوں نے کہا کہ ایسے وقت میں جب سیاسی انتقامی رویوں کے خلاف اصولی موقف اپنانا اور کمزور طبقات کی آواز بننا ناگزیر ہے، بین الاقوامی سطح پر انسانی حقوق کے کام کی قدردانی کی اہمیت اور بڑھ جاتی ہے۔ انہوں نے کہا کہ یہ اعتراف مقامی سطح پر حقوقِ انسانی کے امور کو تقویت دینے میں معاون ثابت ہوتا ہے اور آگاہی میں اضافہ کرتا ہے۔چیئرپرسن نے اس امر پر بھی زور دیا کہ پاکستان میں اقلیتی برادریاں مختلف نوعیت کے چیلنجز کا سامنا کر رہی ہیں جن کے حل کے لیے مربوط حکمتِ عملی اور مضبوط پالیسی اقدامات درکار ہیں۔ انہوں نے کہا کہ کمیشن برائے وقارِ نسواں اس سلسلے میں تشدد، امتیاز اور حقوق کی پامالی کے خلاف آواز بلند کرتا رہے گا اور متعلقہ حکومتی اور سماجی اداروں کے ساتھ مل کر عملی اقدامات کی کوششیں جاری رکھے گا۔تقریب میں شرکت کے موقع پر انہوں نے فرانس کے سفیر کا شکریہ ادا کیا اور کمزور، پسماندہ اور حساس طبقات کے حقوق کے تحفظ، ان کی فلاح و بہبود اور قانون کی بالادستی کو یقینی بنانے کے عزم کا اعادہ کیا۔ اس موقع پر انسانی حقوق کے موضوع پر بڑھتی ہوئی بین الاقوامی دلچسپی کو مقامی سطح پر پالیسی سازی اور عمل درآمد کے لیے مثبت پیش رفت قرار دیا گیا۔
چیئرپرسن کمیشن برائے وقارِ نسواں کی فرانسیسی دعوت میں شرکت
کوئی تبصرہ نہیں ہے۔
