اسلام آباد میں ۴ دسمبر ۲۰۲۵ کو چیئرمین سینیٹ سید یوسف رضا گیلانی نے قومی کونسل برائے فنونِ لطیفہ میں اقوامِ متحدہ کی معاونت سے منعقدہ نمائش کا دورہ کیا۔ انہوں نے نمائش کی مختلف گیلریز کا مشاہدہ کیا اور نمائش میں پیش کی گئی تخلیقی اور جاندار آرٹ ورک پر خصوصی دلچسپی ظاہر کی۔چیئرمین سینیٹ نے منتظمین، شراکت دار اداروں اور شرکاء کو شاندار نمائش کے انعقاد پر مبارکباد دی اور کہا کہ یہ پروگرام تخلیقی مشغولیت، سماجی شعور اور ثقافتی فروغ کا عکاس ہے۔ ان کا کہنا تھا کہ فنونِ لطیفہ معاشرے میں رواداری، ہم آہنگی اور مثبت سوچ کو فروغ دینے میں اہم کردار ادا کرتے ہیں اور اس قسم کی کاوشیں پاکستان کی پُرامن اور ثقافتی طور پر متنوع شناخت کو اجاگر کرتی ہیں۔انہوں نے نوجوان اور باصلاحیت فنکاروں کے لیے اس نمائش کو اظہارِ خیال کا مؤثر پلیٹ فارم قرار دیا اور کہا کہ یہاں پیش کردہ تخلیقی صلاحیتیں ملک کی صلاحیتوں کی واضح دلیل ہیں۔ چیئرمین سینیٹ نے فنکاروں کی کاوشوں کی تعریف کی اور زور دیا کہ پاکستان کسی بھی ملک سے تخلیقی صلاحیتوں کے معاملے میں پیچھے نہیں ہے۔چیئرمین سینیٹ نے اس بات پر بھی اطمینان کا اظہار کیا کہ اقوامِ متحدہ فن و ثقافت کے فروغ میں اہم کردار ادا کر رہی ہے اور اس طرح کی سرگرمیاں سماجی ہم آہنگی، فکری ترقی اور قومی یکجہتی میں معاون ثابت ہوں گی۔ انہوں نے کہا کہ پاکستان کے پاس عالمی سطح کے تہذیبی اور ثقافتی پروگرام کامیابی سے منعقد کرنے کی صلاحیت موجود ہے۔دورے کے اختتام پر چیئرمین سینیٹ نے منتظمین کو خصوصی مبارکباد پیش کی اور کہا کہ ایوانِ بالا فنون، ثقافت اور تخلیقی اظہار سے متعلق مثبت اقدامات کی حمایت جاری رکھے گا۔
چیئرمین سینیٹ اقوام متحدہ معاون نمائش کا دورہ
کوئی تبصرہ نہیں ہے۔
