پاکستان اسکواش فیڈریشن کے زیر انتظام سی اے ایس نیشنل جونیئر اسکواش چیمپئن شپ کا آغاز پشاور میں پی اے ایف ہشام خان اسکواش اکیڈمی میں ہو چکا ہے۔ اس ایونٹ میں ملک بھر سے نوجوان کھلاڑی بڑی تعداد میں شرکت کر رہے ہیں، جن میں بوائز انڈر 11، 13، 15 اور 17 کیٹیگریز شامل ہیں۔
چیمپئن شپ میں شرکت کے خواہشمند کھلاڑیوں کی حاضری آج ہشام خان اسکواش اکیڈمی میں لی گئی جہاں پر انہیں ٹورنامنٹ کے قواعد و ضوابط سے آگاہ کیا گیا۔ ایونٹ کا مقصد نوجوان ٹیلنٹ کو آگے بڑھنے کے مواقع دینا اور ملک میں اسکواش کے کھیل کو فروغ دینا ہے۔
تمام چاروں کیٹیگریز میں پہلے راؤنڈ کے مقابلے کل سے شروع ہوں گے۔ ٹورنامنٹ کے دوران کھلاڑیوں کے درمیان زبردست مقابلے متوقع ہیں اور شائقین بھی اپنے پسندیدہ کھلاڑیوں کو ایکشن میں دیکھنے کے منتظر ہیں۔ اس چیمپئن شپ سے کئی ابھرتے ہوئے باصلاحیت کھلاڑی سامنے آنے کی امید ہے، جو مستقبل میں قومی اور بین الاقوامی سطح پر پاکستان کی نمائندگی کر سکتے ہیں۔
