پاکستان بیورو آف اسٹیٹسٹکس کے زیرِ اہتمام اسلام آباد کے پاک چائنا فرینڈشپ سینٹر میں منعقدہ دو ہزار پچیس کے ڈیٹا فیسٹ میں وفاقی اور صوبائی اداروں، نجی تنظیموں، تعلیمی اداروں اور بین الاقوامی اداروں کے نمائندوں نے شرکت کی۔ اس موقع پر مختلف اداروں کے اسٹالز میں ڈیٹا پر مبنی منصوبہ بندی اور تکنیکی پیش رفت کے نمونے دکھائے گئے اور معلوماتی تبادلے کے متعدد مواقع فراہم ہوئے، جس نے ڈیٹا فیسٹ کو شواہد پر مبنی مباحثے کا اہم پلیٹ فارم بنایا۔پنجاب سوشل پروٹیکشن اتھارٹی کی وائس چیئرپرسن جہاں آراء منظور وٹو کے موقع پر پرتپاک استقبال کی ذمہ داری پاکستان بیورو آف اسٹیٹسٹکس کے ممبر سپورٹ سروسز اور ریسورس مینجمنٹ محمد سرور گوندل نے سنبھالی۔ وائس چیئرپرسن نے پی ایس پی اے کے اسٹال کا معائنہ کیا اور ٹیم کے نظم و عمل اور پیش کی گئی معلوماتی نمائش کو سراہا، جہاں مختلف ڈیجیٹل حل اور سروے بنیاد ڈیٹا کی اہمیت واضح طور پر دکھائی گئی۔وائس چیئرپرسن نے پنجاب سوشیو اکنامک رجسٹری کی افادیت پر روشنی ڈالی اور اسے ایک جدید اور جامع ڈیجیٹل نظام قرار دیا جو پورے صوبے میں شواہد پر مبنی پالیسی سازی، سماجی تحفظ کے موثر نفاذ اور وسائل کی منصفانہ تقسیم کے لیے بنیاد فراہم کرتا ہے۔ انہوں نے ڈیٹا فیسٹ میں پیش کیا گیا مواد اور تکنیکی اختراعات کو مستقبل میں سماجی پالیسیوں کے نفاذ کے لیے معاون قرار دیا۔محمد سرور گوندل نے وائس چیئرپرسن کو ڈیٹا فیسٹ کے مختلف اسٹالز کا تفصیلی دورہ کروایا اور اداروں کی جانب سے کیے جانے والے ڈیٹا پر مبنی اقدامات سے آگاہ کیا۔ وائس چیئرپرسن نے ڈیجیٹل ٹیکنالوجی کے ذریعے پالیسی سازی میں ڈیٹا کے استعمال کو فروغ دینے کی حکمت عملیوں کو سراہا اور کہا کہ ڈیٹا فیسٹ جیسے پلیٹ فارم اداروں کے درمیان ہم آہنگی پیدا کرنے اور شواہد پر مبنی پالیسی سازی کے فروغ میں کلیدی کردار ادا کرتے ہیں۔
جہاں آراء منظور وٹو کی ڈیٹا فیسٹ میں شرکت
کوئی تبصرہ نہیں ہے۔
