ملینیم مارکی، سیکٹر ای گیارہ میں ایک پروقار تقریب میں اسلام آباد پولٹری ٹریڈرز اور اسلام آباد پولٹری ریٹیلرز ایسوسی ایشن کے نومنتخب عہدیداران نے حلف اٹھایا۔ تقریب میں اسلام آباد، راولپنڈی اور دیگر شہروں کے نمایاں تاجر رہنماؤں اور مارکیٹ نمائندگان نے شرکت کی اور نومنتخب قیادت کو مبارکباد پیش کی گئی۔آل پاکستان جمعیت القریش میٹ ویلفیئر ایسوسی ایشن کے صدر خورشید احمد قریشی نے صدارت کی جبکہ مہمانِ خصوصی آل پاکستان انجمن تاجران کے صدر محمد اجمل بلوچ نے دونوں ایسوسی ایشنز کے نومنتخب عہدیداران سے حلف لیا۔ محمد اجمل بلوچ نے اپنے خطاب میں نومنتخب قیادت کو مبارکباد دیتے ہوئے کہا کہ تاجر برادری کے مسائل کے حل کیلئے مضبوط اور مخلص قیادت ناگزیر ہے اور پولٹری شعبے کے مسائل حل کرنے کیلئے مکمل تعاون جاری رہے گا۔اسلام آباد پولٹری ٹریڈرز ایسوسی ایشن کے نومنتخب عہدیداران میں چیئرمین سردار ظہیر احمد، سینئر وائس چیئرمین سردار زبیر، صدر پیر نعیم عباسی اور جنرل سیکرٹری راجہ تبارک شامل ہیں جبکہ دیگر عہدیداران نے بھی اپنے عہدوں کا حلف اٹھایا۔ اس موقع پر پولٹری ٹریڈرز کے نمائندوں نے اپنے شعبے کے روز مرہ کے چیلنجز اور مارکیٹ سے متعلق مسائل پر تبادلہ خیال کیا اور مسئلہ حل کو اولین ترجیح قرار دیا۔اسلام آباد پولٹری ریٹیلرز ایسوسی ایشن کے عہدیداران میں چیئرمین سردار وسیم خالق، صدر سید محمود حسین شاہ اور جنرل سیکرٹری شکیل عباسی شامل ہیں اور دیگر عہدیداران نے بھی تقریب میں شرکت کر کے حلف لیا۔ نومنتخب قیادت نے اعلان کیا کہ یونین ہر قدم پر اپنے دکانداروں کے ساتھ کھڑی رہے گی اور ان کے حقوق و وقار کا تحفظ یقینی بنایا جائے گا۔تقریب میں شریک نمایاں شخصیات میں صدر اسلام آباد چیمبر برائے چھوٹے تاجر و چھوٹی صنعتیں محمد اویس ستی، سینیئر نائب صدر طیب شیخ، پولٹری راولپنڈی منڈی آڑھت ایسوسی ایشن کے صدر ملک غضنفر، جنرل سیکرٹری راجہ زبیر، چیئرمین زاہد عباسی، نائب صدر عمر عباسی، حاجی اصغر، ملک یاسر، راجہ منیر، راجہ طالب، یسین صاحب، راجہ خضر، ملک امانت، عاقب بھٹی، سردار بلال، حافظ غنی اور ظہور عباسی کے علاوہ ایف گیارہ مرکز کے چیئرمین طاہر عباسی اور صدر احمد خان، جی نو مرکز کے صدر راجہ زلفقار اور جنرل سیکرٹری شاہد عباسی، جی دس مرکز کے صدر کامران کاکا خیل اور جنرل سیکرٹری عامر بخاری شامل تھے۔ سابق سینیئر نائب صدر اسلام آباد چیمبر خالد چوہدری اور دیگر معززین نے بھی شرکت کی۔صدر جمعیت القریش خورشید احمد قریشی نے تقریب سے خطاب میں تاجر برادری کے اتحاد کی اہمیت پر زور دیا اور کہا کہ اتحاد معیشت کی مضبوطی کی ضامن ہے۔ نومنتخب عہدیداران نے بھی اپنے خطابات میں اس عزم کا اظہار کیا کہ وہ دیانت داری اور خلوص کے ساتھ اپنے فرائض انجام دیں گے اور پولٹری ٹریڈرز اور ریٹیلرز کے مسائل کو ترجیحی بنیادوں پر حل کریں گے۔شرکاء نے کہا کہ اتحاد و یکجہتی ہی کامیابی کی کنجی ہے اور تاجر برادری اگر ایک پلیٹ فارم پر متحد ہو جائے تو نہ صرف اپنے مسائل حل کر سکتی ہے بلکہ ملکی معیشت میں بھی مثبت کردار ادا کر سکتی ہے۔ تقریب کے اختتام پر شرکاء کے اعزاز میں پرتکلف ضیافت کا اہتمام کیا گیا اور خوشگوار انداز میں اختتام پذیر ہوئی جس سے پولٹری ٹریڈرز کی نئی قیادت کو کامیابی کے پیغام کے ساتھ مضبوط حمایت حاصل ہوئی۔
اسلام آباد میں پولٹری ایسوسی ایشنز کی حلف برداری
کوئی تبصرہ نہیں ہے۔
