اسلام آباد میں اکیئیس ستمبر دو ہزار پچیس کو وفاقی وزیر برائے قومی ورثہ و ثقافت کے اعزازی مشیر سید عثمان طاہر نے میانمار کے پاکستان کے لیے مقررہ سفیر یو ونا ہان سے ملاقات کی۔ اس موقع پر وزارتِ ورثہ کی جانب سے شائع کی گئی کتابوں کا تحفہ سفیر کو پیش کیا گیا جن میں نایاب مصوری کے نمونے، خطاطی کے شاہکار اور دیگر فنونِ لطیفہ کے نمایاں کام شامل تھے۔ملاقات کے دوران پاکستان کی متنوع ثقافت اور قدیم ورثہ کی اہمیت پر روشنی ڈالی گئی اور خاص طور پر گندھارا تہذیب کے تاریخی پہلوؤں پر گفتگو کی گئی۔ دونوں فریقین نے ثقافتی شناختوں کے تبادلے اور عوامی سطح پر مشترکہ پراجیکٹس کے ذریعے رابطوں کو مضبوط بنانے پر تبادلۂ خیال کیا۔میانمار کے سفیر یو ونا ہان نے پاکستان کے ساتھ ثقافتی تعاون بڑھانے میں گہری دلچسپی کا اظہار کیا اور کمیونٹی سطح کے منصوبوں، نمائشوں اور مشترکہ ثقافتی سرگرمیوں کے فروغ پر زور دیا۔ ملاقات میں اس بات پر اتفاق ہوا کہ یہ ثقافتی تعاون ورکشاپس، نمائشوں اور بین الاقوامی ثقافتی روابط کے ذریعے عملی طور پر آگے بڑھایا جائے گا۔دونوں جانب سے آئندہ قریبی رابطوں اور تعاون کے عزم کا اظہار کیا گیا اور طے پایا کہ سفیر یو ونا ہان عنقریب وفاقی وزیر برائے قومی ورثہ و ثقافت اورنگزیب خان کھچی سے ملاقات کریں گے تاکہ ثقافتی نمائشوں، ورکشاپس اور بین الاقوامی ثقافتی رابطوں کے منصوبوں پر تفصیلی مذاکرات کیے جا سکیں۔
اسلام آباد میں میانمار کے سفیر سے ثقافتی ملاقات
کوئی تبصرہ نہیں ہے۔
