معروف اداکارہ، ٹی وی ہوسٹ اور ایس ایل ایسٹھیٹک کلینک کی سی ای او ڈاکٹر شائستہ لودھی نے راولپنڈی چیمبر آف کامرس اینڈ انڈسٹری کا دورہ کیا اور صدر اسد شوقٹ سے ملاقات کی۔ ملاقات کے دوران باہمی تعاون، معاشرتی بہتری اور سماجی ذمے داری کے تحت جاری آر سی سی آئی کی شمولیتی ترقی پر تبادلہ خیال کیا گیا۔
اس موقع پر سینئر نائب صدر خالد فاروق قاضی، نائب صدر فہد برلاس، سابق صدر ثاقب رفیق اور ممتاز ایگزیکٹو کمیٹی اراکین بھی موجود تھے۔ شرکاء نے کمیونٹی کی فلاح و بہبود اور کاروباری حلقوں کے ساتھ بہتر روابط کے لیے مستقبل میں مشترکہ اقدامات پر اتفاق کیا۔ آر سی سی آئی نے اپنی سماجی ذمہ داریوں کو مزید مؤثر بنانے کے عزم کا اعادہ کیا۔
