پاکستان کمیونٹی آرگنائزیشن کینیا نے جمعرات 30 اپریل کو اپنی کمیونٹی کی جانب سے ہائی کمشنر جناب ابرار حسین خان کی مدتِ ملازمت کے اختتام پر ایک پُر وقار الوداعی عشائیہ منعقد کیا۔ تقریب میں کمرشل کاؤنسلر محترمہ عدیلہ یونس، ہیڈ آف چانسری جناب شعیب منصور، ملٹری اٹاشی کرنل انعام محمد خٹک کے علاوہ چیئرمین جناب آصف امین چوہدری، وائس چیئرمین سید شیراز علی اور دیگر کمیٹی ممبران نے شرکت کی۔شرکاء نے ابرار حسین خان کی پاکستانی برادری کے لیے خدمات کو سراہا اور ان کی قیادت میں قید طویل المدت پاکستانیوں کی رہائی میں معاونت، کمرشل تعلقات میں اضافہ اور قونصلر خدمات کی رسائی میں بہتری جیسے اقدامات پر خاص طور پر زور دیا۔ کمیونٹی رہنماؤں نے اس بات کا بھی اعتراف کیا کہ ہائی کمشنر کی کوششوں سے پاکستان اور کینیا کے درمیان تعلقات میں استحکام اور تجارتی روابط کو تقویت ملی۔تقریب کے دوران چیئرمین نے کمیونٹی کی نمائندگی کرتے ہوئے جناب ابرار حسین خان کی خدمات کا اعتراف کیا اور 14 اگست کی تقریبات میں بڑھ چڑھ کر شرکت اور قریباً 600 افراد کی شرکت کے ذریعے کمیونٹی کے فعال ہونے کی مثال دی۔ وہی کمرشل سرگرمیوں میں اضافے اور قونصلر سہولیات کی دستیابی کو بطور خاص نمایاں کیا گیا تاکہ پاکستانیوں کے مسائل کا بروقت حل ممکن ہو سکے۔ملٹری اتاشی کرنل انعام محمد خٹک نے بھی جناب ابرار حسین خان کے دورِ کار کی تعریف کی اور ان کے تعلقاتی انداز اور کمیونٹی کے ساتھ تعاون کو اہم قرار دیا۔ شرکاء نے ہائی کمشنر اور اعلیٰ عملے کے ساتھ مضبوط رابطے اور اشتراکِ عمل کو کمیونٹی کے لیے فائدہ مند قرار دیا۔میزبانوں اور معزز مہمانوں کے درمیان گرم جوشی کے ساتھ گفتگو اور یادگار لمحات دیکھنے کو ملے، جناب ابرار حسین خان نے کمیٹی ممبران سے ذاتی طور پر مل کر ان کی شرکت اور تعاون کا شکریہ ادا کیا۔ محفل اختتامی طور پر جذباتی ماحول میں ہوئی اور شرکاء نے انہیں آئندہ کے لیے نیک خواہشات اور کامیابی کی دعاؤں کے ساتھ رخصت کیا۔
ابرار حسین خان کے اعزاز میں پُر وقار الوداعی عشائیہ
کوئی تبصرہ نہیں ہے۔
