انجینئر صہبین غوری، پارلیمانی سیکرٹری برائے وزارتِ اطلاعات و مواصلات نے انٹر بورڈز کوآرڈینیشن کمیشن کا دورہ کیا جہاں ڈاکٹر غلام علی ملاح، ایگزیکٹو ڈائریکٹر نے ان کا پرتپاک استقبال کیا۔ ملاقات کے دوران دونوں فریقین نے طلبہ کی سہولت اور ادارہ جاتی ہم آہنگی کے امور پر تبادلۂ خیال کیا۔بات چیت کا مرکزی محور معادلت سرٹیفیکیٹ کے حصول میں درپیش مشکلات رہیں۔ دورے میں معادلت سرٹیفیکیٹ کے عمل میں درکار کاغذی کارروائی، تصدیق کے مراحل اور ممکنہ تاخیر جیسے امور پر مفصل گفتگو ہوئی اور ان مسائل کے تدارک کے لیے عملی تجاویز پر بات ہوئی۔پارلیمانی سیکرٹری نے ادارے کے کردار اور طلبہ کی رہنمائی میں آئی بی سی سی کی کوششوں کی تعریف کی اور کہا کہ معادلت سرٹیفیکیٹ کے عمل کو مزید سہل بنانے کے لیے سرکاری و تعلیمی اداروں کے درمیان تعاون ضروری ہے۔ ڈاکٹر غلام علی ملاح نے ادارے کی اصلاحات اور طلبہ کی سہولت کے لیے جاری اقدامات کے بارے میں آگاہ کیا۔ملاقات کے اختتام پر ڈاکٹر ملاح نے پارلیمانی سیکرٹری کو یادگاری تحفہ پیش کیا اور دونوں نے آئندہ تعاون جاری رکھنے اور معادلت سرٹیفیکیٹ کے حصول کے عمل کو تیز اور شفاف بنانے کی یقین دہانی کرائی۔
پارلیمانی سیکرٹری کا انٹر بورڈز کمیشن کا دورہ
کوئی تبصرہ نہیں ہے۔
