سیکرٹری جنرل قومی اسمبلی طاہر حسین نے طویل اور نمایاں سرکاری خدمات کے بعد 31 دسمبر 2025 کو باعزت ریٹائرمنٹ اختیار کر لی۔ قومی اسمبلی سیکرٹریٹ کی جانب سے ان کے اعزاز میں ایک باوقار الوداعی تقریب منعقد کی گئی جس میں ادارے کے اعلیٰ افسران اور عملے نے شرکت کی اور ان کے بھرپور تعاون اور محنت کو سراہا۔سیکرٹری جنرل قومی اسمبلی کے دورِ ملازمت میں پارلیمانی امور کی انجام دہی، قانون سازی کے عمل کو مؤثر بنانے اور ادارتی اصلاحات کے ذریعے انتظامی نظم و نسق کو بہتر بنانے میں نمایاں پیش رفت دیکھی گئی۔ ان کی قیادت میں سیکرٹریٹ نے متعدد انتظامی اور پارلیمانی معاملات میں استحکام اور کارکردگی میں اضافہ کیا، جسے ملازمین اور قانون ساز حلقوں میں قدر کی نگاہ سے دیکھا جاتا ہے۔قومی اسمبلی کے ایڈوائزر برائے قانون سازی محمد مشتاق نے سیکرٹری جنرل قومی اسمبلی کی خدمات کو خراجِ تحسین پیش کرتے ہوئے کہا کہ وہ ایک شفیق، قابل اور فرض شناس افسر رہے ہیں جن کی رہنمائی سے ادارے میں مضبوط اور پیشہ ورانہ روایات قائم ہوئیں۔ مشتاق نے کہا کہ طاہر حسین کی سربراہی میں افسران نے عملی تجربہ حاصل کیا اور پارلیمانی طریقہ کار میں بہتری آئی۔قومی اسمبلی سیکرٹریٹ کے اعلیٰ افسران اور عملے نے بھی طاہر حسین کے حسنِ اخلاق اور مخلصانہ خدمات کی تعریف کی اور ان کی صحت و خوشحالی کے لیے نیک تمناؤں کا اظہار کیا۔ الوداعی تقریب میں ادارے کے کئی شعبوں کے نمائندوں نے ان کی خدمات کو پارلیمانی تاریخ کے روشن ابواب میں شمار کیا۔ریٹائرمنٹ کے موقع پر طاہر حسین نے اسپیکر قومی اسمبلی سردار ایاز صادق کی قیادت اور سیاسی وژن کو سراہا اور اس بات پر اطمینان کا اظہار کیا کہ ان کی تقرری اور ریٹائرمنٹ دونوں اسپیکر کے دور میں ہوئے۔ انہوں نے اسپیکر کی طرف سے ملازمین کی فلاح و بہبود کے لیے اٹھائے گئے اقدامات پر بھی شکریہ ادا کیا۔سیکرٹری جنرل قومی اسمبلی طاہر حسین نے قومی اسمبلی کے افسران اور عملے کے لیے نیک خواہشات کا اعادہ کیا اور اپنے دورِ ملازمت میں ملنے والے تعاون پر پرخلوص شکریہ ادا کیا۔ ان کی خدمات کو اداراتی اصلاحات اور پارلیمانی کارکردگی کے ضمن میں یاد رکھا جائے گا۔
سیکرٹری جنرل قومی اسمبلی کی باعزت ریٹائرمنٹ
کوئی تبصرہ نہیں ہے۔
