پمز شعبہ جات کا تفصیلی جائزہ وفاقی وزیر کو

سید مصطفیٰ کمال کو پمز اسپتال کے تمام شعبہ جات کے متعلق جامع معلومات فراہم کی گئیں جن میں اسپتال کی مجموعی کارکردگی اور روز مرہ خدمات کی صورت حال کا تفصیلی جائزہ شامل تھا۔ اجلاس میں سیکرٹری وزارتِ صحت، چیف ایگزیکٹو سی ایس ایس پی، ڈائریکٹر جنرل ہیلتھ، جوائنٹ سیکرٹری ہسپتال، ایگزیکٹو ڈائریکٹر پمز اور متعلقہ طبی و ادارہ جاتی عملہ شریک تھے۔پمز اسپتال کی موجودہ صلاحیت، درپیش چیلنجز، طبی مشینری اور عملے کی استعداد کار پر روشنی ڈالی گئی۔ پریزنٹیشن میں ایمرجنسی سروسز کی دستیابی، علاج معالجے کے لیے درکار ساز و سامان اور اطلاعاتی ٹیکنالوجی کا انفراسٹرکچر بھی شامل تھا جبکہ آئندہ کے ترقیاتی منصوبے اور اپگریڈیشن کے خدشات واضح کیے گئے۔وفاقی وزیر صحت نے ادارے کی کارکردگی بہتر بنانے کے لیے موثر اصلاحات کی ضرورت پر زور دیا اور کہا کہ پمز اسپتال کے معیار کو بلند کرنے کے لیے فوری اقدامات ضروری ہیں۔ وزیر نے کہا کہ ہر متعلقہ فریق عوامی خدمت کے جذبے کے تحت اپنی ذمہ داری پوری کرے تاکہ مریضوں کو معیاری طبی سہولیات میسر ہوں۔اجلاس کے دوران پمز اسپتال کے مسائل کے حل اور آئندہ منصوبوں کے نفاذ کے لیے رابطہ کاری اور بروقت حکمتِ عملی ترتیب دینے پر اتفاق ہوا۔ وفاقی وزیر نے متعلقہ اسٹیک ہولڈرز کو ہدایات جاری کیں کہ وہ اصلاحاتی عمل کو عملیجامہ پہنانے کے لیے باہمی تعاون کریں اور پمز اسپتال کی صلاحیت کو بہتر بنانے کے لیے پیش رفت کی رپورٹ پیش کی جائے۔