نیشنل ووکیشنل ٹیکنیکل ٹریننگ کمیشن کے ہیڈکوارٹر اسلام آباد میں آج تیسرے پراجیکٹ اسٹیئرنگ کمیٹی کا اجلاس منعقد ہوا جس کی مشترکہ صدارت محمد عامر جان، ایگزیکٹو ڈائریکٹر نیشنل ووکیشنل ٹیکنیکل ٹریننگ کمیشن اور جیرون ولمز، سربراہ ترقیاتی تعاون یورپی یونین نے کی۔ اجلاس میں پروگرام کے مقاصد اور شراکت داروں کے کردار پر تفصیلی گفتگو ہوئی اور آئندہ حکمتِ عملی کے نکات پر اتفاق رائے تلاش کیا گیا۔جرمن ترقیاتی ادارہ گیز اور برٹش کونسل نے پروگرام کا عمومی جائزہ پیش کیا جس میں فنی و پیشہ ورانہ تربیت کے معیار بہتر بنانے، نصاب کی جدید کاری اور ٹریننگ مراکز کی استعداد کار بڑھانے پر زور دیا گیا۔ شرکائے اجلاس نے پروگرام کے تحت آغاز کیے جانے والے کلیدی اقدامات، نگرانی کے میکانزم اور تکنیکی معاونت کی تفصیلات زیرِ بحث لائیں۔شرکاء نے اس بات پر اتفاق کیا کہ فنی و پیشہ ورانہ تربیت کے شعبے میں مؤثر شراکت داری نوجوانوں کے روزگار کے مواقع میں اضافہ کرنے کے لیے ضروری ہے۔ اجلاس میں یہ بھی واضح کیا گیا کہ یہ پروگرام یورپی یونین اور جرمنی کی مشترکہ معاونت سے چلایا جا رہا ہے اور گیز و برٹش کونسل نیشنل ووکیشنل ٹیکنیکل ٹریننگ کمیشن کے ساتھ مل کر اس کے نفاذ کو یقینی بنائیں گے۔زیرِ بحث نکات کے نتیجے میں آئندہ ملاقاتوں میں عملدرآمد کے شیڈول، ذمہ داریوں کی واضح تقسیم اور مقامی شراکت داروں کے ساتھ مربوط منصوبہ بندی پر مزید تفصیلی تبادلہٴ خیال کرنے کا فیصلہ کیا گیا تاکہ پروگرام کے عملی اور دیرپا اثرات جلد محسوس کیے جا سکیں۔
تیسری پراجیکٹ اسٹیئرنگ کمیٹی کا اجلاس
کوئی تبصرہ نہیں ہے۔
