سیکٹر ایف آٹھ میں قائم طیب اردگان انڈر پاس اپنی مضبوط اور معیاری تعمیر کی وجہ سے شہریوں کی توجہ کا مرکز بن چکا ہے۔ انڈر پاس کے فعال ہونے کے بعد اس علاقے میں ٹریفک کی روانی میں واضح بہتری دیکھی گئی ہے اور عموماً رش اور غیر ضروری رکاوٹیں کم ہو گئی ہیں۔شہریوں نے طیب اردگان انڈر پاس کی تعمیر کو اسلام آباد کے ٹریفک نظام میں ایک مؤثر اضافہ قرار دیا ہے۔ ایک شہری نے کہا کہ "انڈر پاس کی تعمیر واقعی بہترین ہے، گاڑیاں بغیر رکے گزر جاتی ہیں، رش بھی کم ہو گیا ہے اور وقت کی بچت ہوتی ہے۔” متعدد لوگوں نے ڈیزائن اور سہولت کو خاص طور پر سراہا اور بتایا کہ سفر اب آسان اور کم دقت والا ہو چکا ہے۔اسلام آباد ڈویلپمنٹ اتھارٹی کے ترجمان نے کہا کہ طیب اردگان انڈر پاس کی تعمیر اعلیٰ معیار کے مطابق کی گئی ہے اور اس میں استعمال ہونے والا مٹیریل، ڈیزائن اور کام مکمل طور پر انجینیئرنگ اسٹینڈرڈز کے مطابق ہے۔ ترجمان نے واضح کیا کہ اس منصوبے کے حوالے سے ماسٹر پلان اور لوئر پلان میں کسی قسم کی تبدیلی نہیں کی گئی اور تمام کام منظور شدہ منصوبہ بندی کے عین مطابق مکمل ہوا ہے۔ٹریفک پولیس نے بھی انڈر پاس کی تعریف کرتے ہوئے بتایا کہ فعال ہونے کے بعد اس مقام پر گاڑیوں کا بہاؤ پہلے کے مقابلے میں نمایاں بہتر ہو گیا ہے۔ جہاں پہلے مستقل رش ہوتا تھا، اب گاڑیاں مسلسل روانی سے آگے بڑھتی ہیں اور ٹریفک کی بندش کم ہو گئی ہے، جس سے شہریوں کو سفر میں آسانی اور وقت کی بچت ہو رہی ہے۔عوامی رائے، انتظامی عہدے داروں کے مؤقف اور ٹریفک پولیس کی تصدیق سے یہ نتیجہ اخذ ہوتا ہے کہ طیب اردگان انڈر پاس اسلام آباد کے بنیادی ڈھانچے میں ایک کامیاب اور عوام دوست اضافہ ہے جو شہریوں کو حقیقی ریلیف فراہم کر رہا ہے اور روزمرہ آمدورفت کو پرسکون بنا رہا ہے۔
طیب اردگان انڈر پاس سے ٹریفک میں واضح بہتری
کوئی تبصرہ نہیں ہے۔
