یونیسف کی نوجوان وکیل زنیرہ قیوم نے ایک اعلیٰ سطحی فورم میں بچوں اور نوجوانوں کی شمولیت کی ضرورت پر واضح الفاظ میں زور دیا۔ہمارے بارے میں ہمارے بغیر کوئی فیصلہ نہیں ہونا چاہیے، یہ پیغام زنیرہ قیوم نے فورم میں دیا اور اس بات پر زور دیا کہ نوجوانوں کی آواز کو پالیسی سازی میں شامل کیا جانا ضروری ہے۔اس فورم میں سویڈن کی ملکہ سلوییا، یونیسف کی ایگزیکٹو ڈائریکٹر کیتھرین رسل اور یونیسف کی ڈپٹی ایگزیکٹو ڈائریکٹر کیٹی وین ڈر ہائڈن بھی موجود تھیں، جہاں زنیرہ قیوم واحد نوعمر مقرر کے طور پر نوجوانوں کے نقطۂ نظر کو اجاگر کر رہی تھیں۔زنیرہ قیوم نے موسمیاتی تبدیلی، تعلیم اور صحت کے امور پر نوجوانوں کے تحفظات اور توقعات پر روشنی ڈالی اور کہا کہ ان شعبوں میں حقیقی اور فوری عملی اقدامات کیے جائیں تاکہ نوجوانوں کے مستقبل کو بہتر بنایا جا سکے۔انہوں نے رہنماؤں سے مطالبہ کیا کہ نوجوانوں کو سننے کے بجائے انہیں پالیسی سازی میں شامل کیا جائے اور لڑکیوں کے بااختیار بنانے کے لیے ٹھوس اقدامات کیے جائیں تاکہ مستقبل کے فیصلے نوجوانوں کے مفاد میں ہوں۔
زنیرہ قیوم نے نوجوانوں کی شمولیت پر زور دیا
کوئی تبصرہ نہیں ہے۔
