ورلڈ بینک صدر کا خوشاب کے تاریخی گوردوارے کا خصوصی دورہ

اجے پال سنگھ بانگا خوشاب کے تاریخی گوردوارہ گرو سنگھ سبھا میں خصوصی مہمان کے طور پر پہنچے، جہاں مقامی رہنماؤں اور انتظامیہ نے گرم جوشی سے ان کا استقبال کیا۔ رکن صوبائی اسمبلی ملک محمد آصف بھاہ نے جناب بانگا اور ان کی بیگم کو روایتی شال پیش کی جسے مقامی تہذیبی احترام اور مہمان نوازی کا عملی اظہار قرار دیا گیا۔ورلڈ بینک صدر کے دورے کے لیے ضلعی انتظامیہ اور پولیس نے بہترین حفاظتی بندوبست کیے، خوشاب پولیس نے اندرون و بیرون گوردوارہ سخت نگرانی اور داخلہ و خارجہ پوائنٹس پر چوکسی برقرار رکھی۔ ضلع کی تمام متعلقہ ایجنسیاں مکمل الرٹ رہیں اور ہر پہلو کو پیشہ ورانہ انداز میں منظم کیا گیا۔دورے کے دوران جناب بانگا نے گوردوارے کی تاریخی اور مذہبی اہمیت کو سراہا اور بین المذاہب ہم آہنگی کے فروغ پر زور دیا۔ انہوں نے انتظامیہ کی جانب سے کیے گئے حفاظتی انتظامات کی تعریف کرتے ہوئے اس اقدام کو مثبت اور قابلِ تقلید قرار دیا۔ضلع ترقیاتی امور کی نگرانی ڈپٹی کمشنر جہانزیب لبّور کے زیرِ قیادت کی گئی جنہوں نے پروگرام کے ہر مرحلے کو منظم انداز میں انجام دیا۔ استقبال سے لے کر پروگرام کی ترتیب، سہولیات کی فراہمی اور نظم و ضبط برقرار رکھنے تک انتظامیہ کی کارکردگی کو اعلیٰ پایا گیا۔ضلعی پولیس افسر اَمرا شیرازی نے امن و امان یقینی بنانے کے لیے جامع سکیورٹی حکمتِ عملی اپنائی جبکہ ڈسٹرکٹ سکیورٹی افسر شاہ خالد نے اپنی ذمہ داری بخوبی نبھائی۔ ریسکیو ایک ہزار ایک سو بائیس، پیرا فورس، ٹریفک پولیس، میونسپل کمیٹی خوشاب اور دیگر محکموں نے مل کر دورے کی کامیابی میں کلیدی کردار ادا کیا اور ہر محکمے کی ہم آہنگی قابلِ تعریف رہی۔خوشاب کو قدرتی حسن اور تاریخی ورثے کا شہر قرار دیا جاتا ہے جہاں نمک، خوشبودار سنگترے اور روایتی مٹھائیاں جیسے دھوڑھا اور پتیسا صدیوں سے اس خطے کی نشانِ پہچان رہی ہیں۔ عالمی سطح کے معزز مہمان کا اس زمین پر آنا نہ صرف مقامی فخر کا باعث بنا بلکہ خوشاب کی انتظامی صلاحیت اور باہمی تعاون کی عکاسی بھی سامنے آئی۔