برطانیہ کے خارجہ امور اور دولت مشترکہ کے سیکرٹری اسٹیٹ ڈیوڈ لیمی نے ڈپٹی وزیراعظم و وزیر خارجہ سینیٹر اسحاق ڈار سے رابطہ کرکے حالیہ سیلاب سے ہونے والے جانی نقصان پر افسوس اور تعزیت کا اظہار کیا۔ انہوں نے مشکل وقت میں پاکستان کے ساتھ بھرپور یکجہتی کا یقین دلایا اور اسحاق ڈار کے دورہ لندن کے دوران کامیاب ملاقاتوں کی خواہش ظاہر کی۔
ڈپٹی وزیراعظم اسحاق ڈار نے برطانیہ کی جانب سے اظہار یکجہتی اور امدادی سرگرمیوں کے لیے حمایت کی پیشکش پر شکریہ ادا کیا۔ انہوں نے کہا کہ پاکستان اور برطانیہ کے درمیان تعاون کا سلسلہ آئندہ بھی مضبوطی سے جاری رہے گا۔
