اسلام آباد میں سینیٹ سیکرٹریٹ کے حکام نے سلیمان لاء ایسوسی ایٹس کے وفد کا باقاعدہ خیرمقدم کیا اور انہیں پارلیمنٹ ہاؤس میں متعارف کرایا گیا۔ وفد کو سینیٹ میوزیم کے دورے کے دوران ایوان بالا کے کام کے طریقۂ کار، قانون سازی کے مراحل اور اراکین سینیٹ کے انتخاب کے طریقہ کار بارے تفصیلی وضاحت دی گئی۔سینیٹر فوزیہ ارشد نے وفد کو ایوانِ بالا کے آئینی کردار، قائمہ کمیٹیوں کے دائرۂ اختیار اور پارلیمانی روایات کے متعلق جامع بریفنگ دی۔ انہوں نے پارلیمانی نظام میں سینیٹ کے وفاقی کردار پر روشنی ڈالتے ہوئے بتایا کہ قانون سازی کے عمل میں ایوانِ بالا کس طرح عوامی مسائل کے حل کے لیے حصہ ڈالتا ہے۔بریفنگ کے دوران سینیٹر فوزیہ ارشد نے نوجوانوں کی معاشرتی اور سیاسی شمولیت کی اہمیت پر زور دیا اور کہا کہ نوجوان قوم کا قیمتی اثاثہ ہیں جو ملک کی ترقی میں اپنا مثبت کردار ادا کریں۔ وفد کو پارلیمنٹ ہاؤس دورہ کے دوران ایوانِ بالا کی تاریخ پر مبنی ایک دستاویزی فلم بھی دکھائی گئی جس نے شرکاء کی توجہ تاریخی حوالوں اور قومی شخصیات کے مجسموں کی جانب مبذول کروائی۔وفد نے سینیٹ ہال میں جاری اجلاس کی کارروائی کا مشاہدہ کیا اور سینیٹ سیکرٹریٹ کے حکام نے ایوانِ بالا کے اجلاس کے عملی امور اور پارلیمانی رسوم کے بارے میں مزید معلومات فراہم کیں۔ گلیِ دستور کی سیر کے دوران شرکاء کو پاکستان کی پارلیمانی تاریخ اور جمہوری ارتقا کے اہم لمحات کے بارے میں بھی آگاہ کیا گیا جو وفد کے لیے معلوماتی رہے۔شرکاء نے سینیٹ میوزیم میں نماٸندہ قومی شخصیات کے مجسموں اور تاریخی تصاویر میں خصوصی دلچسپی دکھائی جبکہ گروپ فوٹو کے موقع پر سینیٹر فوزیہ ارشد کے ساتھ یادگاری تصویر کھینچی گئی۔ پارلیمنٹ ہاؤس دورہ کے اختتام پر وفد نے سینیٹ سیکرٹریٹ کے شفاف انداز کار، جمہوری اقدار کے فروغ اور پارلیمانی ادارہ جاتی مضبوطی میں ان کے کردار کو سراہا اور فراہم کردہ رہنمائی و تعاون پر شکریہ ادا کیا۔
سلیمان لاء ایسوسی ایٹس کا پارلیمنٹ ہاؤس دورہ
کوئی تبصرہ نہیں ہے۔
