راولپنڈی میں انسپکٹر جنرل آف پولیس ڈاکٹر عثمان انور کے اقدامات کے تحت فرینڈز آف پولیس پروگرام کے حصے کے طور پر طلبہ و طالبات نے ٹریفک ہیڈکواٹر کا دورہ کیا۔ دورے کے دوران طلبہ کو ٹریفک ہیڈکواٹر کی مختلف شاخوں میں تعارفی معائنہ کروایا گیا اور انتظامی امور کی تفصیل سے بریفنگ دی گئی۔انچارج ٹریفک ایجوکیشن ونگ انسپکٹر فیصل گیلانی نے شرکاء کو ٹریفک ہیڈکواٹر میں جاری سرگرمیوں، تربیتی امور اور عوام کے لیے دستیاب خدمات کے بارے میں واضح معلومات دیں۔ طلبہ نے مختلف برانچز کا معائنہ کیا اور پولیس کی فراہم کردہ سروسز کی تعریف کی۔دورے کے دوران طلبہ نے فرینڈز آف پولیس پروگرام کے ذریعے پولیس اور شہریوں کے درمیان اعتماد قائم کرنے کی حکمت عملی کو سراہا اور پروگرام کے عملی فوائد پر سوالات کیے۔ دورانِ بریفنگ ٹریفک قوانین، حادثات کی روک تھام اور شہری سہولت کے لیے جاری اقدامات پر روشنی ڈالی گئی۔چیف ٹریفک آفیسر راولپنڈی فرحان اسلم نے کہا کہ فرینڈز آف پولیس پروگرام شہریوں خصوصاً طلبہ کو بطور انٹرنشپ شامل ہونے کا موقع فراہم کرتا ہے، اور اس کے ذریعے عوام میں پولیس کے مثبت کردار کو اجاگر کیا جائے گا۔ ان کا کہنا تھا کہ پولیس اور عوام ایک ہی ذات ہیں اور مشترکہ کوشش سے شاہراہوں کو حادثات سے پاک رکھنا ممکن ہوگا۔اس پروگرام کا مقصد نہ صرف تعلیمی تجربہ فراہم کرنا ہے بلکہ شہریوں کے ساتھ اعتماد کی فضا قائم کر کے ٹریفک کے نظام میں تبدیلی لانا بھی ہے۔ چیف ٹریفک آفیسر نے شہریوں کو دعوت دی کہ وہ نظامِ ٹریفک میں بہتری کے لیے فرینڈز آف پولیس کا حصہ بنیں اور انفرادی سطح پر اپنا کردار ادا کریں تاکہ ٹریفک کی روانی بہتر اور حادثات کم ہوں۔
طلبہ و طالبات کا ٹریفک ہیڈکواٹر کا دورہ
کوئی تبصرہ نہیں ہے۔
