اسلام آباد میں قومی اسمبلی کے اسپیکر سردار ایاز صادق نے اخبارات کے قارئین کے دن کے موقع پر آل پاکستان نیوز پیپرز سوسائٹی اور صحافی برادری کو نیک تمناؤں کے ساتھ مبارکباد دی۔ اسپیکر نے کہا کہ اخبارات نے ہمیشہ عوام کو حقائق سے روشناس کرایا ہے اور ناانصافیو ں کو بے نقاب کرنے میں کلیدی کردار ادا کیا ہے۔اسپیکر نے اخبارات کے قارئین کے دن کو صحافیوں، ایڈیٹرز اور میڈیا اداروں کی خدمات کو خراجِ تحسین پیش کرنے کا دن قرار دیا اور کہا کہ پارلیمانی رپورٹرز ایسوسی ایشن پارلیمان میں ہونے والی قانون سازی اور عوامی امور کو موثر انداز میں عوام تک پہنچانے میں اہم کردار ادا کر رہی ہے۔انہوں نے کہا کہ اخبارات محض خبریں نشر کرنے والا ذریعہ نہیں بلکہ تحقیق، تجزیہ اور گہرے تناظر فراہم کرتے ہیں جس کے باعث معاشرتی شعور میں اضافہ ہوتا ہے۔ موجودہ سوشل میڈیا کے دور میں ذمہ دارانہ صحافت کی اقدار کی اہمیت اور بڑھ گئی ہے اور پرنٹ میڈیا پر غیرجانبداری، اخلاقیات اور ذمہ داری کے اعلیٰ معیار برقرار رکھنے کی بھاری ذمہ داری عائد ہوتی ہے۔اسپیکر نے کہا کہ اخبار پارلیمان اور عوام کے درمیان پل کا کردار ادا کرتے ہیں اور عوامی اعتماد ہی اخبارات کی ترقی کی بنیاد ہے۔ انہوں نے زور دیا کہ اخبارات عوام کو حقائق سے روشناس کرانے اور ناانصافیوں کے خلاف آواز اٹھانے کا سلسلہ جاری رکھیں۔نوجوان نسل کے حوالے سے اسپیکر نے کہا کہ فکری اور علمی بصیرت کے فروغ کے لیے نوجوانوں کو اخبار بینی کی عادت اپنانے کی ضرورت ہے اور تعلیمی اداروں میں طلبہ و طالبات میں اخبار بینی کی حوصلہ افزائی کی جانی چاہیے تاکہ باشعور اور باخبر شہری پیدا ہوں۔اس موقع پر اسپیکر نے اخبارات کے پیشہ وران اور اداروں کے لیے نیک خواہشات کا اظہار کیا اور کہا کہ اخبارات عوامی اعتماد اور تعاون کے ساتھ مزید ترقی کی منازل طے کر سکتے ہیں، جس سے ایک مضبوط اور جمہوری معاشرہ قائم ہوگا۔
اسپیکر کی اخبارات کے قارئین کے دن پر مبارکباد
کوئی تبصرہ نہیں ہے۔
