تنویراصغر اعوان کی قیادت میں بورڈِ انٹرمیڈیٹ و سیکنڈری ایجوکیشن راولپنڈی نے انٹرمیڈیٹ دوسرا سالانہ 2025 کے دوران بوٹی مافیا کی سرگرمیوں کو مؤثر انداز میں کنٹرول کیا۔ اس کامیابی کو حکومتی سطح پر جاری کردہ زیرو ٹالرنس پالیسی کے تحت عملی اقدامات سے منسلک کیا جا رہا ہے اور امتحانی مراکز میں سخت نگرانی کے باعث خلافِ ضابطہ رویوں کو محدود کیا گیا۔کنٹرولر امتحانات نے راولپنڈی کے متعدد امتحانی مراکز کا دورہ کر کے امتحانی ایس او پیز، سکیورٹی انتظامات اور امیدواروں کی نشستوں کے پلان کا بغور جائزہ لیا۔ دورے کے دوران عمل درآمد کی سطح کا معائنہ کیا گیا اور جہاں خامیاں پائی گئیں وہاں فوری اصلاحی اقدامات نافذ کرائے گئے تاکہ زیرو ٹالرنس پالیسی کے تقاضے پورے طور پر لاگو ہوں۔ امتحانی عملے کی ذمہ داریوں کی ادائیگی پر خصوصی توجہ دی گئی اور نگرانی کے نظام کو بہتر بنایا گیا۔بورڈ انتظامیہ نے کہا کہ تمام امتحانی عملہ اپنی ڈیوٹی انتہائی محنت اور لگن سے انجام دے رہا ہے اور امیدواروں کو بہترین امتحانی سہولیات فراہم کی جا رہی ہیں تاکہ امتحانات شفاف، منصفانہ اور اطمینان بخش انداز میں مکمل ہوں۔ سکیورٹی انتظامات، داخلہ کنٹرول اور نشستوں کے پلان نے امتحانی ماحول کو پرسکون رکھا اور نقل مہم کی کمر توڑ دی گئی۔بورڈ کے ترجمان ارسلان علی چیمہ نے واضح کیا کہ کنٹرولر امتحانات کی جاری کارروائیاں آئندہ شیڈول کے لیے بھی راہ ہموار کریں گی اور بورڈ انتظامیہ کسی بھی خلاف ضابطہ سرگرمی کو برداشت نہیں کرے گی۔ امتحانی عمل میں مکمل شفافیت اور ضابطۂ کار کے نفاذ کو یقینی بنانے کے لیے مزید اقدامات جاری رہیں گے۔
کنٹرولر امتحانات کی کارروائی سے بوٹی مافیا قابو
کوئی تبصرہ نہیں ہے۔
