۲۷ جنوری ۲۰۲۶ کو اسلام آباد میں رفاہ انٹرنیشنل یونیورسٹی کا ۴۵ رکنی وفد پارلیمنٹ ہاؤس پہنچا جہاں سینیٹ سیکرٹریٹ کے حکام نے وفد کو خوش آمدید کہا۔ سینیٹ سیکرٹریٹ نے دورے کے دوران وفد کو ایوان بالا کے کام کے طریقہ کار، قانون سازی کے مراحل اور ارکان کے انتخاب کے عمل کے بارے میں تفصیلی معلومات فراہم کیں۔جمیل احمد کھوسو، جوائنٹ سیکرٹری سینیٹ سیکرٹریٹ نے وفد کو ایوان بالا کے فرائض، قائمہ کمیٹیوں کے دائرہ کار اور سینیٹ کے آئینی کردار کے بارے میں جامع بریفنگ دی۔ بریفنگ میں بتایا گیا کہ پارلیمانی نظام میں سینیٹ کس طرح وفاق کی علامت کے طور پر کام کرتا ہے اور عوامی مسائل کے حل کے لیے قانون سازی کا عمل کون سی دفعات اور طریقہ کار کے تحت آگے بڑھتا ہے۔ وفد کے ارکان نے بریفنگ کے دوران گہری دلچسپی ظاہر کی اور سوالات کے بھرپور سیشن میں حصہ لیا جس کے تمام سوالات کے واضح اور تسلی بخش جوابات دیے گئے۔بعد ازاں وفد نے سینیٹ میوزیم کا دورہ کیا جہاں انہیں پاکستان کے پارلیمانی نظام، قانون سازی کے مختلف مراحل اور سینیٹ کے تاریخی و آئینی کردار کے بارے میں معلومات فراہم کی گئیں۔ میوزیم میں ایوانِ بالا کی تاریخ پر مبنی دستاویزی فلم بھی دکھائی گئی جس نے شرکاء کو پارلیمنٹ کی ترقیاتی داستان اور جمہوری سفر سے آگاہ کیا۔وفد نے سینیٹ میوزیم میں آویزاں قومی شخصیات کے مجسموں، یادگار تصاویر اور تاریخی دستاویزات میں خصوصی دلچسپی ظاہر کی۔ شرکاء نے سینیٹ ہال کا معائنہ بھی کیا جہاں انہیں پارلیمانی روایات، طریقہ کار اور قانون سازی کے اہم مراحل کے بارے میں رہنمائی فراہم کی گئی۔ گلیِ دستور کی سیر کے دوران وفد کو پاکستان کی پارلیمانی تاریخ اور جمہوری ارتقاء کے حوالے سے اضافی معلومات دی گئیں۔دورے کے اختتام پر رفاہ یونیورسٹی کے وفد نے سینیٹ سیکرٹریٹ کے ادارہ جاتی شفافیت، جمہوری اقدار کے فروغ اور پارلیمانی نظام کو مضبوط بنانے میں کردار کو سراہا۔ شرکاء نے سینیٹ سیکرٹریٹ کی جانب سے فراہم کی گئی رہنمائی اور تعاون پر شکریہ ادا کیا اور دورے کو معلوماتی اور فائدہ مند قرار دیا۔
رفاہ یونیورسٹی کا پارلیمنٹ ہاؤس کا باضابطہ دورہ
کوئی تبصرہ نہیں ہے۔
