فیڈرل جوڈیشل اکیڈمی میں ایک اہم اجلاس ہوا جس میں بار کونسلز کے نمائندوں، ڈائریکٹر لیگل ایجوکیشن اور جوڈیشل اکیڈمیز کے ڈائریکٹر جنرلز نے شرکت کی۔ اس موقع پر قانونی تعلیم کے معیار میں بہتری اور نوجوان وکلا کے لیے پیشہ ورانہ تربیت کو مضبوط بنانے پر اتفاق کیا گیا تاکہ عدالتی نظام مزید موثر اور منصفانہ بنایا جا سکے۔
اجلاس میں شرکاء نے بار کونسلز کی استعداد کار بڑھانے اور لازمی بار ووکیشنل کورس کے مؤثر نفاذ کے لیے باہمی اشتراک کے اصول پر کام کرنے کی عزم کا اعادہ کیا۔ اس اقدام کا مقصد وکلا کی پیشہ ورانہ تربیت کو بین الاقوامی معیار کے مطابق بنانا ہے، جس سے مستقبل میں عدالتی نظام مزید مضبوط ہو گا۔
اس مقصد کے حصول کے لیے ایک سب کمیٹی تشکیل دی گئی ہے جو قانونی تعلیم اور ٹریننگ کے فروغ کے لیے جامع سفارشات مرتب کرے گی۔ یہ سفارشات اکتوبر 2025 میں پیش کی جائیں گی، جن کی روشنی میں مستقبل کی حکمت عملی طے کی جائے گی۔
