محکمہ جیل خانہ جات پنجاب نے راولپنڈی سے جاری بیان میں کہا ہے کہ صوبے کی تمام جیلوں میں قیدیوں کے اہلِ خانہ کے لیے آن لائن ملاقات کی سہولت مہیا کرنے والی ایپ متعارف کروا دی گئی ہے۔محکمہ نے اس نئی سہولت کا باقاعدہ نوٹیفکیشن جاری کرتے ہوئے ہر جیل میں ملاقات کے لیے مخصوص سہولت مراکز قائم کرنے کی ہدایت دی ہے تاکہ اہلِ خانہ آسانی سے ایپ کے ذریعے رابطہ کر سکیں اور ملاقات کے انتظامات اسی مراکز میں مکمل کیے جائیں۔اس اقدام کے تحت محکمہ نے آگاہی بینرز لگانے کی بھی ہدایات جاری کی ہیں تاکہ قیدیوں کے اہلِ خانہ اور عام لوگ اس سہولت سے باخبر ہوں۔ محکمہ کا کہنا ہے کہ آن لائن ملاقات کے نفاذ سے اہلِ خانہ کو جیل کے چکر لگانے کی ضرورت کم ہو گی اور ملاقات کا عمل زیادہ منظم اور سہل بن جائے گا۔محکمہ جیل خانہ جات پنجاب کے مطابق اس قدم کا مقصد قیدیوں کے رابطوں میں آسانی، اہلِ خانہ کی سہولت اور انتظامی نظم و نسق میں بہتری ہے۔ آن لائن ملاقات کے ذریعے روایتی رکاوٹوں کو کم کر کے ملاقات کے عمل کو محفوظ اور مربوط بنایا جائے گا۔نوٹیفکیشن کے مطابق محکمہ آئندہ ضروری انتظامات اور عوامی آگاہی کے اقدامات کرے گا تا کہ آن لائن ملاقات کی سہولت مرحلہ وار مؤثر انداز میں فراہم کی جا سکے اور قیدیوں کے اہلِ خانہ اس سے بھرپور فائدہ حاصل کر سکیں۔
پنجاب کی تمام جیلوں میں آن لائن ملاقات متعارف
کوئی تبصرہ نہیں ہے۔
