پنجاب میں تعلیمی اداروں میں ماحول دوست اقدامات کے فروغ کے لیے "گرین اسکول سرٹیفکیشن پروگرام” کا آغاز کیا گیا ہے۔ اس پروگرام کے تحت سرکاری اور نجی اسکولوں کو ان کے ماحول دوست اور پائیدار عملی اقدامات کی بنیاد پر ایک سے پانچ اسٹارز کی ریٹنگ دی جائے گی۔
اس اقدام کا مقصد تعلیمی اداروں میں ماحول کے تحفظ، توانائی کی بچت اور قدرتی وسائل کے مؤثر استعمال کو فروغ دینا ہے۔ پروگرام کے تحت اسکولوں کا جائزہ لیا جائے گا کہ وہ کیسا فضلہ انتظام، پانی اور بجلی کا دانشمندانہ استعمال، شجر کاری اور ماحولیات کے بارے میں آگاہی فراہم کر رہے ہیں۔
گرین اسکول سرٹیفکیشن پروگرام کے ذریعے ملک کے بچوں اور نوجوانوں میں ماحول کی بہتری کا شعور اجاگر کرنا اور آگے آنے والی نسلوں کو صاف و سرسبز پاکستان کی طرف مائل کرنا ہے۔ اس طرح نہ صرف اسکولوں کا تعلیمی معیار بہتر ہوگا بلکہ ماحول دوست رویے بھی فروغ پائیں گے۔
