پاکستان ریڈ کراس سوسائٹی (پی آر سی ایس) گلگت بلتستان برانچ نے مسلم آئیڈیل سیکنڈری اسکول اینڈ کالج گلگت میں یوتھ کلب کے قیام کا آغاز کر دیا ہے، جس کا مقصد نوجوانوں کو سماجی خدمت اور ترقی کے اہداف کی جانب راغب کرنا ہے۔
تقریب میں تیس طلبہ و اساتذہ نے شرکت کی، جس کے دوران ریڈ کراس اور ریڈ کریسنٹ موومنٹ، پی آر سی ایس کے مشن اور کمیونٹی کے لیے کئے جانے والے سماجی کاموں کے بارے میں آگاہی فراہم کی گئی۔ اس موقع پر یوتھ کلب کی کابینہ کے انتخاب کے لیے الیکشن کا انعقاد بھی کیا گیا۔
تقریب کے اختتام پر منتخب ہونے والے نوجوان نمائندوں نے حلف اٹھایا۔ یہ نوجوان اب اپنی کمیونٹی میں رضاکارانہ اور فلاحی سرگرمیوں میں قیادت کا کردار ادا کریں گے۔
