پاسبان وطن کے مرکزی سیکریٹریٹ اسلام آباد میں نمائندہ رہنماؤں کا اجلاس منعقد ہوا جس میں ملک کی موجودہ سیاسی صورتحال اور دارالحکومت میں جاری امن و امان کے معاملات پر مفصل غور کیا گیا۔ اجلاس میں شرکاء نے ملکی صورت حال کے تناظر میں حکمت عملی اور آئندہ لائحہ عمل پر تبادلہ خیال کیا جبکہ سیاسی ذمہ داریوں کی ادائیگی اور عوامی مفاد کو مقدم رکھنے پر اتفاق رائے ہوا۔اجلاس میں خصوصاً اسلام آباد کی سکیورٹی صورتحال کا باریک بینی سے جائزہ لیا گیا اور وہاں جاری واقعات کے سبب پیدا ہونے والی نوعیت کے چیلنجز پر روشنی ڈالی گئی۔ چیئرمین پاسبان وطن شیخ مختار احمد نے وفاقی اور صوبائی حکومتوں سے صبر و تحمل کے ساتھ معاملات کو سلجھانے کی اپیل کی اور احتجاجی عناصر سے بھی دانش مندانہ رویہ اختیار کرنے اور عوامی نظم و ضبط برقرار رکھنے کی درخواست کی گئی۔اجلاس نے بین الاقوامی امور پر بھی غور کیا اور خاص طور پر گلوبل صمود فلوٹیلا میں قیدی بنائے گئے افراد کے اسرائیل کی حراست سے بازیاب ہونے پر اطمینان کا اظہار کیا۔ شرکاء نے ان افراد کی بحفاظت واپسی کو خوش آئند قرار دیا اور پاکستان کی نمائندگی کرنے والے سابق سینٹر مشتاق احمد کے جرات مندانہ اقدامات کو خراج تحسین پیش کیا گیا، جن کے حوصلے کو اجلاس میں سراہا گیا۔پاسبان وطن نے آئندہ ہفتے ایک سیاسی جماعت کی حیثیت سے پریس کانفرنس کے انعقاد کے حوالے سے بھی اقدامات کا جائزہ لیا اور اس ضمن میں میڈیا سے رابطہ کاری اور پیغام عام کرنے کی حکمت عملی ترتیب دی گئی۔ اجلاس نے ملک کی مجموعی سلامتی اور شہری امن کو مقدم جانتے ہوئے تمام فریقین پر زور دیا کہ وہ تحمل کا مظاہرہ کریں اور حالات کو معمول پر لانے میں کردار ادا کریں۔
پاسبان وطن کے مرکزی اجلاس میں سیاسی و امنی جائزہ
کوئی تبصرہ نہیں ہے۔
