ترکیہ کے سفیر سے وفاقی وزیر صحت مصطفیٰ کمال کی اہم ملاقات
اسلام آباد — ترکیہ کے سفیر اور وفاقی وزیر صحت مصطفیٰ کمال کے درمیان ہونے والی ملاقات میں صحت کے شعبے میں باہمی تعاون اور دیگر اہم امور پر تفصیلی تبادلہ خیال کیا گیا۔ ملاقات میں دونوں ملکوں کے درمیان دہائیوں پر محیط برادرانہ اور گہرے تعلقات کو اجاگر کیا گیا۔
ملاقات میں سرمایہ کاری کے فروغ کے لیے باہمی تعاون کو خاص طور پر اہم قرار دیا گیا اور صحت کے نظام کو مزید مؤثر اور جدید بنانے کے لیے ٹیکنالوجی ٹرانسفر کے امکانات پر غور کیا گیا۔ دونوں فریقین نے پاکستان میں ہیلتھ ٹورازم کو فروغ دینے اور مقامی سطح پر ویکسین کی تیاری کے اقدامات کے تسریع پر بھی بات چیت کی۔
ڈاکٹرز اور نرسز کی باہمی تعلیمی شراکت داری کے فروغ کو بھی زیر بحث لایا گیا تاکہ دونوں ممالک ایک دوسرے کے تجربات اور بہترین طریقہ کار سے بھرپور استفادہ کر سکیں۔ وفاقی وزیر صحت مصطفیٰ کمال نے کہا کہ پاکستان اور ترکیہ کے درمیان وابستہ شعبوں میں تعاون کے وسیع امکانات موجود ہیں۔
مصطفیٰ کمال نے اس موقع پر کہا کہ وزیر اعظم پاکستان کی ہدایت پر صحت کے شعبے میں جامع اصلاحات کا عمل جاری ہے اور ان اصلاحات کے مثبت اثرات عوام تک پہنچائے جائیں گے۔ ترکیہ کے سفیر نے بھی پاکستان میں صحت کے شعبے میں جاری اصلاحات کو سراہا اور تعاون کی جاری استعداد پر اطمینان کا اظہار کیا۔
