پاکستان کے چاول کی برآمدات کو فروغ دینے کے لیے ٹریڈ ڈویلپمنٹ اتھارٹی آف پاکستان نے ایک اور اہم قدم اٹھایا ہے۔ گھانا کے شہر اکرا میں کامیاب روڈ شو کے بعد اب "پاکستان رائس روڈ شو 2025” کا دوسرا مرحلہ کوٹ ڈی آئیوائر کے شہر ابیجان میں شروع ہوگیا ہے، جہاں پاکستانی چاول کو عالمی مارکیٹ میں متعارف کرایا جا رہا ہے۔
اس روڈ شو کا مقصد پاکستان کے اعلیٰ معیار کے باسمتی اور سستے ملڈ چاول کی بین الاقوامی مارکیٹ میں فروغ دینا ہے۔ تقریب میں پاکستان کی 28 نمایاں چاول برآمد کرنے والی کمپنیاں شرکت کر رہی ہیں جو اپنی مصنوعات کو ممکنہ خریداروں کے سامنے پیش کر رہی ہیں۔
پاکستان کی ٹریڈ ڈویلپمنٹ اتھارٹی اس قسم کی سرگرمیوں کے ذریعے نئی برآمدی منڈیاں تلاش کرنے اور ملکی معیشت کو مزید مضبوط بنانے کے لیے پرعزم ہے۔ اس طرح کے ایونٹس نہ صرف پاکستان کے زرعی شعبے کی ترقی کا باعث بنتے ہیں بلکہ بیرونی ممالک میں پاکستانی مصنوعات کی پہچان بڑھانے میں بھی اہم کردار ادا کرتے ہیں۔
