وزارتِ انسانی حقوق نے اقوامِ متحدہ کے ترقیاتی پروگرام پاکستان کے تعاون سے وزیراعظم کی رہائش گاہ میں عالمی یومِ حقوقِ انسانی منایا اور اس موقع پر پاکستان کے حقوقِ انسانی کے تحفظ کے عزم کو اجاگر کیا گیا۔تقریب میں سفرا اور سفارتی مندوبین کے ساتھ ساتھ اقوامِ متحدہ کی مختلف ایجنسیاں، سول سوسائٹی کے ادارے، بین الاقوامی غیر سرکاری تنظیمیں اور سینئر سرکاری حکام شریک ہوئے، جنہوں نے باہمی گفت و شنید اور تعاون کے لیے عزم کا اظہار کیا۔حقوق انسانی کے اس سال کے موضوع کو ایک روزمرہ لازم شے کے طور پر پیش کیا گیا تاکہ یہ واضح کیا جا سکے کہ انسانی حقوق ہر شہری کی روزمرہ زندگی اور حکمرانی کے عمل کا لازمی جزو ہیں۔ شرکاء نے اس بات پر اتفاق کیا کہ حقوق انسانی کا فروغ معاشرتی بہبود اور شفاف گورننس کے لیے ضروری ہے۔سرکاری نمائندوں اور متعلقہ اداروں نے بار پھر سب کے لیے حقوقِ انسانی کے تحفظ اور فروغ کے عزم کو دہراتے ہوئے کہا کہ مستقل مکالمہ اور بین الاقوامی شراکت داری اس راہ کو مضبوط کرے گی۔ حقوق انسانی کو حکومتی ترجیحات میں برقرار رکھنے پر زور دیا گیا اور روزمرہ زندگی میں اس کے نفاذ کی ضرورت پر تبادلہ خیال کیا گیا۔
حکومت نے عالمی یوم حقوق انسانی پر عزم کا اعادہ کیا
کوئی تبصرہ نہیں ہے۔
