7 اکتوبر 2025 کو اسلام آباد میں پاکستان اور فلسطین پارلیمانی دوستی گروپ کا پہلا بریفنگ سیشن منعقد ہوا۔ اجلاس کی صدارت رکنِ قومی اسمبلی عمار احمد خان لیغاری نے کی جبکہ وزارتِ خارجہ کے نمائندہ وفد نے اہم امور پر بریفنگ دی۔اس بریفنگ میں رکنِ قومی اسمبلی احمد عتیق انور، خرم منور مانج، رومینہ خورشید عالم اور صبا صادق نے شرکت کی اور وزارتِ خارجہ کے متعدد حکام نے بھی شریکِ محفل رہے۔ پاکستان کے سفیر برائے اردن ویڈیو رابطے کے ذریعے اجلاس میں شامل ہوئے اور تبادلۂ خیال میں حصہ لیا۔سیشن میں خاص طور پر پاکستان فلسطین تعلقات کی موجودہ کیفیت، پارلیمانی سطح پر تعاون کے امکانات، بین الاقوامی عدالتِ انصاف میں پاکستان کے موقف اور میڈیا کے ذریعے عوامی سفارت کاری کے طریقہ کار پر گفتگو کی گئی۔ شرکاء نے پارلیمانی تعاون کو مضبوط بنانے اور بین الاقوامی فورمز پر مؤثر انداز میں موقف پیش کرنے پر زور دیا۔پارلیمانی دوستی گروپ نے فلسطینی عوام اور جموں و کشمیر کے متاثرین کے لیے دعائے خیر کی اور زور دیا کہ وہ ظلم و تشدد کے خلاف اپنی آوازیں مضبوطی سے بلند کریں۔ اجلاس میں یہ عزم دہرایا گیا کہ انسانی بنیادوں پر اٹھائے جانے والے مسائل کو پارلیمانی سطح پر مستقل بنیاد پر اجاگر کیا جائے گا۔وزارتِ خارجہ کے ایک نمائندے نے سینیٹر مشتاق کو اسرائیلی حکومت سے متعلق حالیہ پیش رفت کے بارے میں خوشگوار اطلاعات فراہم کیں، جن پر اراکین نے تبصرہ اور تشویش دونوں کا اظہار کیا۔ اجلاس میں میڈیا اور عوامی سفارت کاری کو موثر انداز میں بروئے کار لانے کے عملی نکات پر بھی بات ہوئی۔شرکاء نے باور کرایا کہ پارلیمانی سطح پر مضبوط رابطے اور مشترکہ حکمتِ عملی کے ذریعے پاکستان فلسطین تعلقات کو مزید فروغ دیا جائے گا اور بین الاقوامی سطح پر فلسطینی عوام کے حقوق کی حمایت جاری رکھی جائے گی۔رپورٹ: خالدون خان جادون، معاون ڈائریکٹر پارلیمانی دوستی گروپ
پاکستان اور فلسطین پارلیمانی دوستی گروپ کا پہلا اجلاس
کوئی تبصرہ نہیں ہے۔
