شیل ہاربر میں یومِ پاکستان کی پرچم کشائی کی ایک باوقار تقریب میں مقامی پاکستانی برادری، خاندان اور مقامی قیادت نے شرکت کی، جس سے کمیونٹی کے اجتماعی جوش اور خاندانی ماحول کی عکاسی ہوئی۔ یومِ پاکستان کے اس موقع پر خاص طور پر خواتین اور بچوں کی فعال شرکت نے تقریب کو خوشگوار گھریلو رنگ دیا۔تقریب کی میزبانی غلام مصطفی چودھری نے کی جو کہ شیل ہاربر اسلامی سوسائٹی کے صدر ہیں جب کہ اس موقع پر الطاف عباسی بطور نائب صدر موجود تھے۔ معزز مہمانوں میں کرس ہومر میئر شیل ہاربر اور جان ڈاوی کونسلر بھی شامل تھے جن کی موجودگی نے پروگرام کی اہمیت کو بڑھایا۔میئر کرس ہومر نے اپنے خطاب میں کثیرالثقافتی ہم آہنگی اور مقامی سطح پر کمیونٹی انگیجمنٹ کی اہمیت پر زور دیا اور کہا کہ "شیل ہاربر اپنے متنوع معاشرے پر فخر کرتا ہے اور ایسی تقریبات مختلف ثقافتوں کو اپنانے کی طاقت کو ظاہر کرتی ہیں۔” انہوں نے مزید کہا کہ "یومِ پاکستان جیسی تقریبات نہ صرف وراثت کا اعزاز کرتی ہیں بلکہ آسٹریلیا اور پاکستان کے درمیان ثقافتی سمجھ بوجھ اور دوستی کو مضبوط بناتی ہیں۔”کونسلر جان ڈاوی نے بھی کمیونٹی کے کردار کی تعریف کی اور یکجہتی کے فروغ میں ان کی خدمات کا اعتراف کیا۔ میزبان غلام مصطفی چودھری نے شرکا اور مہمانوں کا شکریہ ادا کیا اور کمیونٹی کی حمایت پر قدر دانی کا اظہار کیا، اس موقع پر یومِ پاکستان کے پیغام کو مقامی سطح پر مثبت طور پر پہنچانے پر زور دیا گیا۔
شیل ہاربر میں یومِ پاکستان کی تقریب
کوئی تبصرہ نہیں ہے۔
