ورلڈ گیمز چینگدو، چین میں منعقدہ اسکوائش مقابلوں میں پاکستان کے نور زمان نے پلیٹ ایونٹ کے فائنل میں جگہ بنا لی ہے۔ انہوں نے جاپان کے آر تسوکوی کو تین-ایک سے شکست دے کر شاندار کارکردگی کا مظاہرہ کیا۔ اس کامیابی کے بعد نور زمان اب ٹورنامنٹ کے پلیٹ ایونٹ کے فائنل میں اپنی قسمت آزمائیں گے۔
نور زمان نے اپنے سیمی فائنل میچ میں آر تسوکوی کو 11-7، 7-11، 11-7 اور 12-10 سے ہرایا۔ اس کامیابی کے بعد انہیں فائنل میں رسائی حاصل ہو گئی ہے اور شائقین ان سے بہترین کارکردگی کی توقع کررہے ہیں۔
دوسری جانب پاکستان کے ایک اور کھلاڑی ناصر اقبال پلیٹ ایونٹ کے فائنل کے لیے کوالیفائی کرنے میں ناکام رہے۔ انہیں کولمبیا کے رونالڈ پلومینو کے ہاتھوں تین-ایک سے شکست کا سامنا کرنا پڑا۔ میچ کے اسکورز 15-13، 13-15، 11-4 اور 11-5 رہے۔
اب نور زمان اپنے اگلے میچ میں ٹائٹل کے حصول کے لیے میدان میں اتریں گے اور قوم کو ان سے روشن توقعات وابستہ ہیں۔
